Actress Melody Cu Rebekwin Pasal He Nupa Sinak An Tuah Lio Hmanthlak an Langhter Dih Cang
Actress Melody cu Rebekwin pasal he nupa sinak an tuah lio hmanthlak cu,social media ah an langhter dih cang ti si. Kawlram mahtluk in kan buai lio ah Actress Melody cu sandah piaknak zawngah a kal bal lo i,CDM bawmh nak zawng a pe duh fawn lo tiah an chim. Singer Rebekawin pasal he ihkhun ah an ih ttinak le an i hnamh nak hmanthlak cu,Social Media ah an langhter dih cang hna i,singer Rebekwin zawng, hi konglam ah hin a pasal he an buai ve ngaingai ti si.
Hi bantuk in mi pasal a ihpi mile a duh mi hrimhrim hi mipi nih cun,an sawisel ngaingai.Actress Melody hi fa pakhat ngei cang mi a si.Rebekwin pasal he hin,an chimnak hna hi a sau pah cang i, hi kongah hin,Rebekwin le a pasal zawng vawitam tuk a ni sibal cang tiah an chim. A pasal he an i thennak hi a sau rih lo nain, Singer Rebekawin pasal he hin ani tawng lengmang tiah an chim.
Mipi nih cun,apasal he ani tthennak zawng a sau rih lo lengah tulio kawlram mahtluk in kan buai lio ah, hi bantuk in phaisa kawl cu ningzaktuk siko tiin an chim len hna.Hi bantukin a um caah mipi le a fan pawl nih cun an chuak tak dih cang i, hawikawn/fan zawng a ngei tilo tiin an chim.
Actress Melody bantuk in a nung mi hi an tamtuk ko lai nain, a vanchia kan ti lai maw, a hur tuk caah kan ti lai dah ti cu chim khawh silo. zeipoh cu sisehlaw,mi pasal va duh le va ihpi tiangtiang in a um tikah mipi nih an sawisel tuk nak hi a si tiah an chim.
