Press "Enter" to skip to content

Ai Chuahsual Ning Fak Taktak : Kawlram,Yangon Ah Massage Centre Pakhat ah Khuate Lei Tlangval Pakhat Cu A Lo Bak

Khawika ram poah ah khuapi deuh le capital Cityb deuh poah ah cun Massage nak hmun hi tuah cio a si . Kawlram ,Yangon zong ah hmun tampi ah tuah a si ve . A thenkhat cu cozah sin ah tha tein an hal hna i phung ning tein a tuahmi zong an um nain a tam deuh cu cozah theihter lo in a thli tein a tuahmi le cuka hmun i riantuan tu nupawl zong a zuar pah mi an um ve .

Cu bantuk hmun i a kalmi pa pawl cu vanchiat an i ton i palik nih an check can hna ah cun an mah tiang tlaih an tongn lengmang ve . Tutan i kan rak langhter mi hi Cozah theihpi nak massage nak hmun pakhat ah thil a cangmi a si . Hi massage nak hmun ah hin riantuan tu nungak pawl zong a felmi lawng bak an lak hna i massage room chung ah a thli i zeithil hmanh an mah duhzong ah tuah a ngah lo .

Room chung cio ah a thli tein camera a chiah dih caah riantuan tu pawl zong an in ralring ngai tawn . Mi tampi nih massage nak hmun i rian a tuanmi nu pawl cu thinlung tein nek deuh le ngamh deuh a rak si bantuk in hi massage nak hmun ah hin kawlpa (min langhter lomi) pakhat nih a rak dawr ve hna . A ruahning ah cun a mah a taksa a hmet tu kha phaisa tlawmpal pek chap ah cun a duhningn poah in tuah khawh ding ah a rak rel sual .

A mah duhmi nu pakhat ai thim i massage room ah cun an lut i a taksa cu ai hmeh ter . Ai hmehter pah ah bia a ruah pah i phaisa kan chap lai i ka duh ning in na um lai maw tiah a hal . Nungak nu nih cun kan nih riantuan nak ah hin cun mah bantuk kha an onh lo camera zong an chiah dih tiah a chimh . Asinain cupa nih cun zu ai zat pah caah a zum lo i a donghnak ah cun a thazang hmangin cu nu cu a tlaih chih i itpi a timh .

An thawngpang cu an theih hna tik ah room chung ah cun tuanvo ngeitu nih an va luh hnawh hna i a ran nak in cupa cu an tlaih . Tuanvo ngeitu an ra luh ah cun pa cu a dai cang i zeihmanh tuah lo bantuk in ai umter , nu cu a tap pah .An boss pa nih cun room zapi te ah hin camera kan chiah dih i na cawlcangh ning vialte kan hmuh khawh dih ko . Cuca ah palik sin ah phakpi na duhlo ah cun hi nu na tlaih i a duh nalo in tongh tham na timh ruang ah phaisa (zaw -ce) ting 1 tal na pek lo ah cun tlaih hrem case in report na si lai i palik ka chawnh colh hna lai a ti .

Tlangval pa cu a ningzak ngai i palik cu chawn hram hlah u , phaisa ting 1 cu ka ngei bak lo i ka ngeih zat tu hi ka cohlan piak hram u a ti i phaisa 60000 a pek hna . Hi hnu ah nai ralring a hau khawika na kalnak hmanh ah a lenglei na zoh nak men in va cawlcang hlah , kan mah zong hi cozah theihpi nak tein kan tuahmi a si i kan dawr ah hin mirum le mi ngan ngan zong an ra i tha tein an taksa an rak hmeh piak tawn hna . Rantuan thaba mi tampi nih dinhnak ah an hman mi a si , kha bantuk thiang hlim lo in an cawlcang bal lo tiah a sik ta i cu tlangval pa cu a chuah ter . Source : Myanmardailylife

Be First to Comment

Leave a Reply

Your email address will not be published. Required fields are marked *