Press "Enter" to skip to content

Airhostess Rian tuan Buin Azahmaw Ah Rit-hai sii Ceh Buin Lam kal Ning Thla 3 Chung Bak A cawn

Malaysian nu pakhat Zailee Hana Zainal kum 40 mi cu Airhostess ruanttuan mi a si i vulei cung hmunkip le ramkip ah khual tlawngin a kal tawn. Vanchiat nak tongin a fanu kum 1 mi cu zawtnak phundang ngai nih a tlak buat i hngakchia te si buin a damlo nak he pehtlai in surgery voi tamngai tuah a hauh caah tangka tampi dih ding a si caah a hmuhmi tangka lawng incun zeiti hmanh in a deih ding a si loh.

A fanu zohkhenh nak caah tangka zeitin dah kan tuaktan lai ti a ruat i a khualtlawn nak poh ah a thli i rithai si (drug) zuar pah dingin timhtuah nak a ngeih micu News. Come. Au nih cun a tarlangh.

Zainal nih cun Malaysia ram heroin cu a lak i Australia misual ucuak bak a simi Michelle Tran sinah cun ai chawhleh pahin a va pek tawn. hi misual pa hi cunglei nawlngei tu hna zongnih an hlathlai i an rak vehvat pah lengmang mi a si.

HI tihin rithai si cu an khuallam ah ai phur a bawngby chungnawh le angki chungnawh ah a thuh tawn i a ttuanpi hawi pakhat he Bathroom ah an i chan tawn . khohkhat ah a hlepmi cu £ 940 hrawng a si tawn.

Hi tihin thlapa thla 3 chung hrawng cu a thuhnawh khawh i vanchiat ah January 6, 2019 ah khan police nih an tleih i Australia Victoria Country Court nih cun kum 9 chung thong thlak dingin bia a ceih. Biaceih tu hmaiah Zainal nihcun rithai si nih minung cungah mahtluk in harsat nak a chuahpi lai tihi cuhlan ah cun ka rak thei ballo a ti.

Be First to Comment

Leave a Reply

Your email address will not be published. Required fields are marked *