Press "Enter" to skip to content

American President Joe Biden le China President Xi Jinping cu Taiwan kong suimilam (2) leng ceihmainak an ngei

TAIWAN CUNG LUNGTLINNAK AA THLENG LAI LO ( PRESIDENT BIDEN). Lawngtlai, 29 Chiapa 2022 : American President Joe Biden le China President Xi Jinping cu 28 Chiapa ah suimilam 2 leng caihhmainak an ngeih ah, Taiwan kong, Ukraine cungah Russia nih a luhhnawhmi kong, chawlehnak kong hna an caih.

Caihmainak chungah Taiwan kong he pehtlai in American hmuitinh a thlengmi a um lo tiah President Biden nih a chim bantukin, China President Xi nih Taiwan kong ah American cu ralrin a peknak kong biaruahnak an ngeih dih hnuah an thanh.

Taiwan kong he pehtlai in American hmuitinh a thlengmi a um lo i, ramchung ah daihnak le hnangamnak rawhral timhnak thil tuah timh cu fak pi’n ka dohkalh tiah American lei nih an thanh ve.

China President nih cun Taiwan kong he pehtlai in, mei a lenhmi cu a hnuah mei hliam a tuar ko lai, hihi cu American nih ai fiang ko lai tiah zumhnak ka ngei ti’n China media sinah a chim. American House Speaker Nancy Pelosi Taiwan ah kal timhnak kong he pehtlai in American le China an karlak dirhmun a linsat lio ah ramhnih hruaitu biaruahnak an ngei.

China Foreign Affair Ministry chimnak nawlngeitu Zhao Lijian nih cun American House Speaker Nancy Pelosi Taiwan kal a timhmi cu fak pi’n a dohkalh, American Pentagon Press Secretary John Kirby nih cun China he pehtlainak lampi on ding President Biden nih a tuah a hau tiah a chim. Credit; The Lairam Times

Be First to Comment

Leave a Reply

Your email address will not be published.