Press "Enter" to skip to content

American Vuanci Zung Nih Mah nunnak caah tihnung a si mi hmunah khualtlawn lo dingin Dot li in ralrin peknak a tuah

American Mi Myanmar Ram Ah Khualtlawn Lo Dingin Ramdang Lei Vuanci Zung Nih Ralrin Pek
======================================================

Covid -19 zawtnak hlei ah Myanmar ram chung ramdaihnak a um lo caah,hriamtlai ralhrang ruanfah, American mi poh Myanmar ah khualtlawn lo dingin American ramdanglei zung nih ralrinnak peknak a thanh.

Mah nunnak caah tihnung a si mi hmunah khualtlawn lo dingin Dot li in ralrin peknak hi khiah a si.

Myanmar ralkap nih thimnak ah a cozah a hmuh mi cu hrawh in,ralkap uknak a do dal i duhlonak lamghternak an tuah cu hnu ah hmaifong in thil a cang mi hna hi i ralrin awk ngai ngai mi thil a si.

Myanmar ram dih lak duhlonak langhternak a fakchin hmun cheukhat ahcun a daih lo i a zual hmachin i ralhrang nih hriamnam an hmannak hma cu.

Mah hmun hna cu,Chin ramkulh in Palewah le Matupi peng,Kachin ramkulh in,Vanmaw,Mukawng,Phakanh,Suamparabom,Tanai le Vuanmaw peng, Shan ramkulh ah Hupan,Tinan,Tipaw,Choihmeh,Maikai,Nansan,Namatu,Nankhan,Muse,Kungcian,Kuatkhai,Lokkai,Matman,Maimaw,Naphan,Pansan le Panvuan peng, Kazia ramkulh in Siataw peng, Kayin ramkulh in Phapun peng hna hi an si.

A hlei ceu in Myanmar ralkap le tlangcung hriamtlai hna, mipi kar ral i tuk nak ah, Shan ramkulh chaklei, Kachin,Rakhin le Chin ramkulh hmun cheu khat ah.Sakai ramthen chaklei ah Naka mah te uknak hmun a daih lo caah hriamtlai ralhrang an zual chin kho tiah a chim fawn.

Hriamtlai ruangah hartong cheukhat ruahmi hna Shan ramkulh chaklei, Kachin.Yakhin.Chin ramkulh hna caah a phuak rih lo mi bom pawl an um kho caah ramdang khualtlawn hnorsuan ding a um caah i ralrin a herh.

Yakhin,Chin,Kachin,Kazia,Kayin,Sakai,Shan .. a dang dang ramthen le ramkulh le khuapi cheukhat ah Myanmar ralkap le hriamtlai dang kar ah i tuknak a chuak kho tiah thanh a si.

RFA

Be First to Comment

Leave a Reply

Your email address will not be published. Required fields are marked *