Press "Enter" to skip to content

American Washington DC Ah ZFU/PDF Zoland Le Thantlang Caah Fun Kawlnak An Tuah

American Washington DC ah ZFU/ PDF Zoland le Thantlang caah fund kawlnak cu December 11 ni ah an tuah tiah theih a si. December 11, Nway Oo dothlannak caah tiin fund kawlnak an tuah i an tuah nak cu American Washington DC Area ah ZFU / PDF Zoland Supporter Group- D.C Area hruainak in Christmas hlasaknak le Myanmar eiding phuntling zuarnak he fund kawlnak cu an tuah.

Cu fund kawlnak caah tuahmi puai ah cun Washington D.C Area ah a ummi tlangcungmi hna nih tha zaang pek in telpinak an tuah Leng ah hlasakthiam Mi Mi Win Phay zong hlasaknak in a tel kho. Cu fund kawlnak caah tuahmi puai caan hmannak ah cun Chin ramkulh Thantlang meikangh har tonnak caah phaisa hlu kholhnak a dang ten an tuah chih.

Pastor hna nih hruainak in Myanmar rampi le Thantlang caah a hlei thlacamnak zong an tuah i, fund kawlnak in an hmuhmi phaisa cu American dollar 16186 an hmuh khawh. An hmuhmi phaisa cu Chin ramkulh Tedim, Tonzaang peng chungah dothlennak ding ca cawlcanghnak a tuahmi ZFU, PDF Zo land le Thantlang caah hlut a si lai tiah theih a si. Ref; Khit Thit Media

THAWNGṬHA: Lamhla Kahnak Miakpi An Ser Khawh Cang - The Chin Post

Relchap; Lamhla kahnak miakpi 60 (mah-mah) kan ser cang i hman khawh a si cang tiah Myanmar ram laifang hrawngah a cawlcang mi mipi kilvengtu ralkap hriamnam serchuahnak bu MTT Production in ṭuanvo ngeitu pakhat nih a chim.

Hi miakpi 60 (mah-mah) serchuah nak ah thlakhat leng an rau. An ser nak ah mizapi ralkap pakhat a nunnak a liam i pakhat cu a kutthei pahnih aa tan tiah theih a si.

THAWNGṬHA: Lamhla Kahnak Miakpi An Ser Khawh Cang - The Chin Post

MTT Production in ṭuanvo ngeitu nih cun “LPDF hna sinah 60 (mah-mah) cheukhat kan pek cang hna. Kanmah hrimhrim zong hi Yinmapin le Kani peng kahdohnak ah kan i tel ve” tiah a chim fawn.

Hriamnam dang serchuah khawh nak dingah tangka le thilri a herhmi a tam caah a si khawh chungin bawmhnak pek kan herh ko rih tiah MTT Production nih an chim. Naite zongah khan Sagaing ramṭhen PDF hna nih ti chungah hmanh khawhmi bomb kan ser khawh tiah an thanh cang.

Ti chungah hmanh khawhmi bomb hmangin Dec 13, nizan ah Kani peng Mae-din (မဲဒင်) khua Kyaunkhung (ကျွန်းခုံ) pawngah PDF nih ralhrang an doh hna i ralhrang tilawng pakhat a pil tiah Kani PDF nih an thanh tiah People Voice Television nih a ṭial. Crd; The Chin Post

Sagaing ramthen, Tanhse peng ah mi zapi vengtu ralkap phu nih bomb in an doh hna caah ralhrang 2 an thi i 7 an hliam tiah TanhSe mi zapi ralkap phu TPC nih an thanh.

December 13 ni zanlei sml 6 : 45 hrawng ah Zua Tharzar khua in a rak ra mi ralhrang mortor 1 le Cycle 5 cu HmanGai, pawng ah bomb in an doh hna hi asi. Mah hliam a tuar mi 7 chung ah 1 cu a nunnak caah thinphang a si tiah theih a si. Crd; The Chin Post

Be First to Comment

Leave a Reply

Your email address will not be published.