Press "Enter" to skip to content

Amh Zawn Te Hmanh Ruat Lo In Mipi Zawn A Hei Ruah Ning le A Biacah Te Hi Nguingui Thlak In Tah A Phu Ko Mu>>>>>>

Daw Suh Kyi Cun Myanmar Mipi Cu Covid 19 Lakin Fimkhur Dingah A Cah
======================

Myanmar rampi thuron Daw Aung San Suh Kyi cun ,tuini June 28, Court date ah Myanmar mipi cu covid 19 lakin fimkhur dingah a cah ih a thucah cu sihni simthei in sihni cu mipi simthei sawng dingah a theihter.

Sihni Daw Min Min Soe cun “Tuini Court date ah Daw Suh cun covid 19 thuhla in sut nasa ih mipi cu covid 19 natnak lakin fimkhur dingah a cah. Kanmah sihni pawl khal covid 19 lakin fimkhur dingah in cah ve. Ram pumhuap covid 19 dinhmun in sutih Naypidaw covid 19 dinhmun khal in sut. Covid 19 natnak luarsal ah Myanmar mipi cu a ruat tuk lawlaw.

“Curuangah, mipi pawl cu covid 19 lakin fimkhur ten um dingah kut kholh zangzel lo dingin , mask bun ringring dingin a cah. Covid 19 hmaisa bik tumih mipi a rak cah rero bangin ,Myanmar mipi cu covid 19 lakah theitawk in mahten fimkhur cio dingah in cah rero a si,” tiah a ti.

Tuih dinhmun ah rampi thuron Daw Aung San Suh Kyi cu ralkap in thubuai 7 an orhter ih, thubuai 4 cu zarh khat ah vei 2 tiin Court ah an rel rero lai. Court ih thubuai an rel thok hlanah Suh Kyi le amah buaipitu sihni pawl cu minute 30 biakawknak caan an nei ringrig.

Suh Kyi ih thubuai 7 pawl cu Eiruk thubuai pukmah 55, Kiangkap mipi hnaihnok thubuai pukmah 25, Covid 19 daan pahbal pukmah 25, kuat suak kuat lut daan pahbal pukmah 8, pehtlaihnak daan pahbal pukmah 67, Ram hmin setertu pukmah 505, Rampi thuthup daan pahbal pukmah 3 pawl an si.

Crd: Vapual Auaw

Be First to Comment

Leave a Reply

Your email address will not be published.