Press "Enter" to skip to content

An Hmuh Mi Minung Upa Le Hngakchia Tuak Lo Sahrang Kah In An Kah Ko Mi Hi Cu Mu, Tang 7 Cawnglio Hngakchia Nu An Kahmi Hi Cu>>>>

Meihthila (မိတ္ထီလာ)Ah Meithal Kuan Khen Ruangah Hliamtuarmi Tang 7 Hngakchia Nu
==================================

Meihthila (မိတ္ထီလာ)Ah Meithal Kuan Khen Ruangah Hliamtuarmi Tang 7 Hngakchia Nu Cu Checkhlatnak Zung Tel In Sii Inn Nih Thlop Ding Ah An Cohlang Duhlo

Mandalay ramthen, Meihthila (မိတၳီလာ)Myo, Kuaitauhkung(ေဂြးေတာက္ကုန္း) khua pawng ah June 23 zaan suimilam 8:30 ah tang 7 kaimi nu pakhat cu ho si theih lo mi meithal tlai pathum nih meithal in voi 4 an kah, a phei ah a khen caah sii inn ah thlop ding an kal nain checkhlat nak zung tel in sii inn nih thlop ding ah an cohlan hna lo caah harnak an tong tiah theih asi.

Nizaan suimilam 8:30 hrawng ah Meihthila (မိတၳီလာ) myo Kuaitauhkung (ေကြးေတာက္ကုန္း) khua pawng ah cycle in minung pathum nih meithal in voi 4 an kah, Yangon-Mandalay motor lampi pawng kunza dawr khar hnu ah lamcung kal mi tang 7 sianghngakchia nu te i a phei ah voikhat an khen ,hliamhma a tuar mi hngakchia nu cu sii thlop ding ah sii inn an kal nain sii inn nih an cohlang duh hna lo tiah khuami pakhat nih a chim.

Cu hngakchia nu meithal hliam hma tuar mi cu , Meihthila ( မိတၳီလာ) General hospital, Meihthila checkhlat nak zung, Naypyidaw ihkhun 1000 umnak General hospital, Naypyidaw General hospital, Laywai(လာ္ေဝး)sii inn,ihkhun 200 umnak sii inn, Tankah(သံဃာ့) sii inn, Naypyidaw check hlat nak zung hna ah Kal pi si nain ,zeibantuk sii inn hmanh nih an cohlan hna lo caah Meihthila ( မိတၳီလာ) ah an kir than tiah Pyitaya mi bawmtu( ျပည္သာယာ လူမွုကူညီေရးအသင္း)nih an Facebook ah an langhter .

Tang 7 sianghngakchia nu, a nun humhim nak caah thin phang cu a si lo nain, sii lei thlopbul a hau ngai tiah theih asi.

June 24,2021
Khit Thit Media

RF: The Chin Post

Be First to Comment

Leave a Reply

Your email address will not be published.