Press "Enter" to skip to content

An I Thitumh Lai Zaan Lawng ah A Pasal Ding Zumh A Rak Tlaklo A Theih , An Puai ni Ah Teirul A Cham Ning A Fak Bak Ve

Susan le Alex hi kum (6) chung bak ai duh cangmi an si i an saduhthah bantuk tein hmunkhat khuasa ti dingin tihtumhnak tuah dingin in timhtuah nak lianpi an ngei ve cang . Susan cu pasal ngei cang ding a si ruang ah a hawikomtha deuh pawl a khomh dih hna i Hotel pakhat an hlan i zankhuadei i nuamh nak le party nak an hmang .

A thaizing ah pasal ngei cang ding a si caah tuzan hi a nungak donghnak zan a si cang caah a hawikom pawl he cun hla an sa hna i nuam tein i thlahnak an hmang hna . Zankhuadei ti awk cun hla an sa hna bia lungduh an i ruah hna i a mitku mi le ih a duhmi zong an um hna lo . Zinglei deuh a hung si cang i tlawmpal tal cu i hngilh ve ko hna u sih an ti i it cu an van i tim hna .

Ihnak an phak i itkhun cung an thut hna lio ah cun Susan a phone cu ruahlo pi in message a hung lut thluahmah . Zei message dah a si hnga tiah Susan nih cun a phone cu a van lak i a zoh tik ah cun a lau tuk timi cu a mithmai a lang colh.A message cu a hawile nih an van zoh ve i a ho ti theihlo mi nungak pakhat nih Susan a pasal ding Alex he hotel ah an rak riah ti liole an it ti lio hmanthlak pawl tampi cu a rakm kuat .

Culawng silo in Susan kei nih cun hi bantuk pa zumh a tlaklo mipa hi cu zungzal ka pasal si ding ah le thihhlan lo hmunkhat umpi awk ah cun ka duh bal hna lo , nangteh na duh ve hnga maw ? tiah biahalnak ca zong a rak tial chih .Susan cu a mitthli he itkhun cung ah cun a thu i pa vialte lak ah a zumhbik mi le a bochan bikmi pa nih a cung ah zumhtlak lo in a rak nun khawhmi a ruah tik ah cun a mitthli atla i a hawile zong nih an hnem kho tilo .

Khua a phunphun in a ruat i hitluk in ka dawtmi pa nih zeiruang ah dah ka cung ah hin zumhtlak lo in a um khawhb hnga zeiruang ah dah a si bik hnga timi a ruah tik ah a phi a hmu kho hrim lo .Khua fakpin a ruat i hi i thitumh nak hi ka cancel lai a ti ah le an i umhnak ding ah Hall siseh a herhmi thil dang vialte phaisa tampi dih in an hlan dih cang fawn .

Susan le Alex hi an chungkhar nulepa theih pi nak veve bak in kum saupi chung aa duh cangmi an si bantuk in an i thitumhnak ca zong ah hin an pahnih in phaisa tampi an rak i khawn veve i , cu an phaisa vialte dih in an timhlamh mi puai cancel awk a that tilo mi a ruah ah a thinhun le a lungfah cu ai cawh i thih bak a duh .

A hawile pawl zong nih cun hi bantuk zumh tlak lo mi pa hi ai theih bak lai tiah an hnmeh chih ve . A hawile nih cun Susan zeitin dah biakhiahnak na tuah lai tiah an hal i , ai thawh i a poi lo ka thil tuah dingmi cu thaizng ah nan hmuh te lai a ti hna . Cuti cun a thaizing cu ni a hung chuak i Hotel cun an lawi i Susan cu monu thuam cu a van i lak i aa hruk .

Dawh tein aa tamh i a hawile zong nan mithmai ahb zeihmanh langhter hlah u tiah a chimh ta ve hna .Puai tuahnak hmun ah cun an kal hna i pumhnak cu an van thok .An puai hi sunglawi ngai in an tuahmi a si caah an saawm mi hna zong an tam ngaingai .An hawikom e an chungkhat vialte cu an tling dih .

Mipi hmai ah cun pastor pa nih biakam nak a van tuah hna i Alex nih cun biakam nak vialte cu mipi hmai ah a van chim dih . Susan cu a tap thluahmah , Alex nih cun a theithiam lo i vaibar lote ko khi a lo . Susan nih cun a mitthli a van i hnawt i a aw a van i thianh i microphone cu ai lak zau i mipi a van hawi i ” Tuni ah hin zei bantuk i thitumh nak hmanh a um lai lo, a ruang cu zumh a tlak lomi pa heb zungzal umti cu ka duhmi a si lo”a ti i Alex le nungak pakhat Hotel i an it ti lio hmanthlak vialte cu mipi a piah dih hna.

Cubak cun Alex cu a ningzak tuk i a hohmanh chawnhkhawh lo dingin a chuak i a zaam diam . A ho kan si hmanh ah zumhtlak lo nun in kan nun ah cun a can a phan hrimhrim lai i kan mual a pho than hrimhrim ko lai . Susan hi hall chung i an puai a rak zawhmi mipi vialte nih an thangthat i an tuarpi tuk cio fawn . Source : Dailymail

Be First to Comment

Leave a Reply

Your email address will not be published. Required fields are marked *