Press "Enter" to skip to content

An lungretheihnak le harsatnak kan ti khawh tawk in kan rak chawn ve hna lai” tiah Presiden Joe Biden nih a hun pek hna.

Ralkap Nih Minung 6 Bak An Kah Tthan Hna- Biden Nih US Ah A Lut Cangmi Myanmar Rammi Hna Cu Zeihmanh Buaibai Hau Loin Thla 18 Chung An Ram Ah Umnak Nawl A Pek Hna

Kawlram mipi hna nihhin Democracy ngah kan duh ruangah nunnak zeizat remruam khi dek an va liam cang! Thal nilin tihal in Myanmar mipi hna nih Democracy cu kan hal cang. Thisen zeizat remruam khi an va luan cang! Kawlram mipi hna cu hmailei ruahchannak a ngei lomi, muilak ah a kal cuahmah mi bantuk kan si.

Kawlram ah milu tambiknak khuapi pahnihnak Mandalay ah ralkap le police nih minung 3 an kah tthan hna. Witnessed pahnih bak nih Reuters sin ah an chimh hna. Central Town Of Pyay ah minung pakhat kah a si. Commercial Capital Yangon ah minung 2 an kah rih hna.

US ram ah khual a tlawngmi Myanmar rammi caah ruahchannak le hnangamnak nganpi Presiden Joe Biden nih a hun pek hna. Washington-The Biden Administration nih Myanmar Military Coup umnak, rammi hna US ah a lut cangmi hna cu zeihmanh buaibai hau chap loin thla 18 chung umnak nawl a pek hna kong a phuan.

Homeland Security Secretary Alejandro Mayorkas nih “Temporary status hi thla 18 a si lai”, Mayorkas nih Myanmar ahhin Humanitarian conditions, medical flights, economic crisis an ton cuahmah caah Myanmar rammi hna caah kir khawh a si lo. Cu caah kan rak humzual hna lai. An lungretheihnak le harsatnak kan ti khawh tawk in kan rak chawn ve hna lai” a ti.

FacebookTwitterEmailShare

Be First to Comment

Leave a Reply

Your email address will not be published. Required fields are marked *