An Tiru Bak Cang : Uar An Um Ko Lashio Khuapi Le Mandalay Khuapi Hna Ah Cun Lawyer Le Phungki Hna Nih Lam An Hruai Cang Hna
Mandalay khuapi ah sihni (lawyers) pawl tiang nih ralkap uknak lakmi duhlonak sandahpiah in lam an zawh ve cang. Video chung kan hmuh ning ah sihni lawnglawng 100 leng si dawh an si. An hnulei in mipi zong nih an zulh ve hna. Mandalay sihni pawl nih an biapi in an aupi mi cu;Democracy ngah thannak, ralkap uknak thlaknak, tlaihkhihmi ram hruaitu hna thlah than ding ti bantuk an aupi hna. Tuzing suimilam 9 AM in lam zawh hram an thok i, Manday khuapi chung hmun dangdang zong ah duhlonak langhtertu phu an tam ngai tiah RFA nih a tarlangh ning in theih a si.
Tu zing February 8, 2021 zing cu, Mandalay khuapi mipi sandahpiahnak ah anmah mipi lawng si loin phungki tiang nih an telhpi hna tiah theih a si. Atu hi Kawlram pumpi khuapi kip ti awk in sandahpiah dawh an si cang i hmun tampi ah cozah riantuan, siibawi, saya/sayamah hna tiang nih an telpi ve cang.
Lashio khuapi zong ah Sihni 30 leng nih biaceih zung in myodaw khanmah tiang ralkap uknak lakmi duhlonak an langhternak ah lam an zawh cuahmah ve hna. Lashio Sihni pawl sandahpiahnak ah an biapi in an aupimi cu ralkap uknak kan herh/duh lo, ralkap uknak tla cang seh.
Lashio khuapi zong ah Sihni 30 leng nih biaceih zung in myodaw khanmah tiang ralkap uknak lakmi duhlonak an langhternak ah lam an zawh cuahmah ve hna. Lashio Sihni pawl sandahpiahnak ah an biapi in an aupimi cu ralkap uknak kan herh/duh lo, ralkap uknak tla cang seh.Tlaihmi ram hruaitu hna le cozah riantuan chungtel pawl a rannak in thlah than uh ti pawl hi an si. Cu ti catar i tlaih buin le an au pah buin an CDM langhternak ah an kutdong pathum an dirter i, lam an zawhmi hmanthlak pawl hmuh khawh a si.
Kawlram khuapi dihlak ti awk in duhlonak an langhter cio nain Mandalay le Lashio khuapi hna bantukin sihni tiangtiang lam an zawhnak hi cu theih a si rih lo. Nihin vawi dang nak hmanh in sandahpiah ning a zual hma mi a lo cang. Kan ram nih Democracy hmuh than hram seh tiah sandahpiahnak ah kan i tel khawh lo hmanh ah kanmah le kan umnak cio in thlaza cam piak hna u sih.
