Press "Enter" to skip to content

An Unau Tein Lampawng Ah Rawl Meh An Zuar Tawn (+Video)

Hihna hngakchia unau pahnih hna hi, Bethlehem Vengthlang hngakchia an si i,Lammual bul i over bridge pawngte lam pawng ah an unau tein meh an zuar tawn ti a si. Covid-19 zawtnak ruang ah nichiar te siang inn an kai kho loh i, cuticun, sianginn kai lo chung poh kha nichiar te meh zuar in lam pawng ah an thu tawn.

Meh an zuar mi hi midang ta an zuar chawm mi a miak ding in an va lak chin mi hna a si tawn. Chin nilin lak le ruahsur lak ah tiin an chungkhar eidin ding ah tiin zan muitiang hi lampawng teah cun an thutpi peng tawn. An lawi hlan ah an thilzuar nak i a hnawm mi pawl kha thiangtein an thenh ta tawn ti a si.

An unau te hin eidin ding an neih mi tete hi an i cheubau tawn peng i, dawtnak thinlung tehe pakhat le pakhat an i kawm tawn. zohchunh awk an tlak tuk hringhran. An unau rual hi minung pa 6 an si i, an pa hi mi kuttang ah chunnitlak ai hlawh tawn ti a si. An nu cu inn hngak in a fale a zohkhenh tawn hna.

Holh dawh lo cu sihlah sehlaw, anmah chungkhar hi, mi harsa mi sifak ngaingai mi an si i, bomh a duh mi le, chawnhkhianh a duh mi nan um ah cun, Zo Inspiration te kaltlang in chawnhkhawh peng an si.

A tanglei ah a Video kan van chiah.

Be First to Comment

Leave a Reply

Your email address will not be published. Required fields are marked *