Press "Enter" to skip to content

Anawratha SPH le Naatum Theology: PG77 War Between King Anawratha vs. Wild Buffalo

💥 Ral vialte a tei ko nain, King Anawratha nih a tei lomi cu Wild Buffalo timi a Hrangmi Natum asi. Bagan ralkapbu le Ralbawi (Sitthuci) hna nih an va doh ko nain, Natum cu an tei khawh lo. Natum nih arak that dih hna. Ahnubik ah Anawratha pumpak in a kal i, Natum he ani ṭhua / an i namh. Cuka ahcun, Anawratha cu Natum nih a thah ti asi. Setan nih Natum aacan ter asi anti. Burma Budhism siding kha khuachia nih aduhlo caah, Natum ah aacan ter i, Budhism derhtu Anawratha cu a thah tiah anti.

💥 MAH le SAC nih Chinram tuk awk ah “Anawratha Operation” tiah min an pek mi hi tuak cikcek cio ah a ṭha lai. Kawl miphun nih uk zungzal le Budhism Mission karh ter awk ah ara mi ansi. Chinmi nih ral kan sungh ahcun, Krifa hremnak ara colh ve lai. Krifa Cihmih in Budhism derh ti kha an mission asi. CNA / CDF lawng siloin, Krifabu le Pastorte hrim hrim nih Raldoh ve aherh. Hriam tlaihin asikhawh loahcun, Krifabu thawhlawm le Phaisa in raldoh ve aherh tihi, zumtu vialte nih hngalh cikcek ding asi cang.

💥 Kawl Khuachia Pennak le Setan Phung Buda Bada Biaknak thawktu SPH Anawratha teitu, CHIN Natum hi Ahodah asi hnga? Cu NATUM cu CNA / CDF asiko nati ahcun, cu NATUM cu ṭha tein cawn in a paw khim ter, thau ter, thazang ṭhawnter, a herh btkin, Kan thinlung, Kan Thlarau, Kan Nunlung, Kan Ngeihchia Chawva le Kan Thazang dihlak in, bawmhchan in dirhkam a herh ngai ngai. I thlah phawi ah a ngah hrim lomi asi ve. Na ngeih mi hlawnthil, Innlo, Nel le Dumhau, na Saṭil vialte zuar in cu NATUM cu bawmh zong ah a phu mi asi. Bank Account um mi na chawva vialte bungh hnawh zong ah a phu ko dakaw Unau!

💥 Thlarawn Raldohnak ah Pathian umpi nak le hnatlakpi nak Tehte: Acan loah ruah asur, Minmei aazam, Rallokap duhning in an cawl khawh lo, Kiknih a tlaih hna, Minmei nih Chin Ralkap cu MAH ralkap hmuh khawhlo ding in a phen hna. SAC Ralkap cu kan tei bak ko hna. Chin THO camtuak thengmang ah raldohnak a um zong hi achan um dawh asiko. 13th October 2021 “Vawleipi huap Chinmi Rawl Ulh Ni” cu Pathian nih a thlawchuah bak ko. Thlacam hmual a ngeih nak lungfian hram kan thawk ve.

💥💥 A Tuanbia Tawite 💥💥 💥 AD 1043 Kum ah, Avoi 1nk Kawlram (1st Burma Kingdom) derhtu cu, King Anawratha asi. Khualipi ah Pagan cu a tuah. Kawlram kum cu 1043 in thawkin relmi Nithla asi ve. Hlanchan Bagan biaknak cu “Azici” asi. Va ngeih ding mi Nungak no tete hna cu Azici phungki hna nih it pi hmasat asi caah Biaknak ah mipi an vansang tuk lio asi. India in Budhist missionary ara mi, Saint Arahan cu Anawratha nih Pagan ah a auh. Cuticun Kawlram ah Thereva Budhism aa thawk ve. Budhist hi phun (2) in a um. Thereva le Mahayana Budhism ti asi. Thailand, Japan, Korea le China Budhism hi Mahayana asi. Kawlram um Budhism hi Thereva Budhism (ထေရဝါဒဗုဒ္ဒဘာသာ) asi. RC le Protestants tiah Krifa kan i ṭhen btk a lawh ngai ngai ko.. Anawratha fapa Ciansittha SPH (Cin Sian Thang) chan ah Mon Ram (Thadung Country) in Budhism Documentations le a thilri vialte an chut hna I Pagan an ṭhial. Ahnu ah Rakhine Ram (Da Ngiah Waddy Country) in Budhist pathian le adang dang firin an chut ṭhan hna. Kawlram Empire (Burma Kingdom) le Budhism derhtu tiah Anawratha SPH cu Burma miphun nih an upat mi asi. Israel Kingdom Derhtirtu King David btk kan ti lai (Kawi mi caah).

💥 Pagan Khualipi an derhtir ah CHIN miphun an rak um ve cang. Tehte: Raj Kumar Lung Catlap ah hmuh khawh asi. Pagan ah khuasa mi, miphun hna min cazin ah Chin Miphun aum ve. “Bagan Hman hlin CHIN” tiah aa ṭial. “CHIN min cu Thungechin timi Ka Kuaipa” in aathawk tiah Burma Historian cheukhat nih an ti phah. Raj Kumar cu Cinsinthang (Ciansitta) SPH fapa upabik asi. Kalanu fapa asi. Bagan King roco khawh asilo anti caah, Nuchun fa, Alawng Sithu kha Bagan SPH an pe (AD1250s). AD1250s ah hin, Zophei le Lautu hi khua tlak asi tiah Zophei Historian Pu Ngai Thang nih ati ve. Hlanchan hrim hrim in, miphun dang kha, King SPH le Luban ah, chiah aduh lo tu Kawl an si. 2008 Constitution lawng ah, asilo. President pek duh lo hi, DASSK lawng asilo tinak asi ko. Saya Rung Kaw

Be First to Comment

Leave a Reply

Your email address will not be published. Required fields are marked *