Anmah Ralkap Le Ralkap An Buai I An I Vuak Ruang Ah Hliamhma Tuar Kho Loin Ralkap Pakhat Cu Mandalay Sizung Ah A Phan
Misual taktak mi Myanmar palik le ralkap pawl zong hi minung an rak si ve thotho ruangah an rawl a tam ve i an ti zong a rak hal ve. Ralkap ṭhenkhat le bang cu an rawltam an celh ti loh i sandahpiah mi pawl sinah rawl ei ding an va hal hna i an rak pek ve ko hna.
Bank lei an khar dih ruangah an thla hlawh thla 2/3 ta an lak cia dih i a thenkhat cu an hman dih cio cang hna. Rampi humhim tu ding ralkap ti loin mifir ah an i chuah lehlam khi a si. an chungkhar ah an luhhnawh hna i an phaisa zong an firpiak hna.
Mandalay, Chanmyatharsi lampi i lamzawhtu pawl cu ralkap pawl nih an kah thluahmah hna i an dawi hna. Cuti cun ralkap cheukhat nih sandahpiah mi pawl an i ken mi pawnghmuk le eidin pawl cu an lakpiak hna. Cgun i rawl ei a zat tik cu ralbawi pa nih an pawnghmuk cu a rak lakpiak hna. cuti cun ralkap pakhat cu a rawltam celhti loin a hruaitu zong ṭihzah upat thiam ti loin a pawnghmuk cu ava hal than. Bia an i el ciammam i an hruaitu nih cun a vuak chih len meithal taw i a sawh i a tlu. Ralkap pakhat cu a lu ah hliamhma a tuar i Mandalay General Hospital ah an zohkhenh cuahmah lio a si.
