Press "Enter" to skip to content

Apam Tuk E : Tanghra 5D In A Awng Mi Pate Cu Ralkap Nih An Kah I A Nunnak A Liam (R.I.P)

Tanghra 5 D in a awng mi pate nihin March 3,2021 ni ah ralkap kahnak in a nunnak a liam. Kan hnu tanghra result a chuah ah khan 5D in a awng. Kan ram covid ruang ahcun sianginn kai khawh a si lo. Tlawmpal ah ralkap nih uknak an hun lak cang.

Nihin Magwe ramthen Salin myo ah mipi nih ralkap uknak duh lonak an langhternak ralkap nih mipi an kah hna ruang ah mahhi tlangval note hi a nunnak a liammi a si. Hmailei kan ram caah a ruah tikah ralkap uknak hi fim cawnnak caah siseh, khuasak nak caah siseh a that lo tuk zia kha a theih ve tikah ralkap uknak doh ding in a kal ve.

Vanchiat ah sandah piah tu mipi hna cu palik le ralkap nih mitthli tlaknak bomb in an kah hna hnu ah meithal in an kah hna i 5D in tanghra a awngmi tlangval no te hi a nunnak a liam. A nulepa a chungkhat caah zeitluk in dah a fah lai i tuar a har lai mu. Ruah ahhin thinlung nih a celh hrim lo ee.

Be First to Comment

Leave a Reply

Your email address will not be published. Required fields are marked *