Press "Enter" to skip to content

Apoi Hringhran Ko Mu : Dr Hai Vung Lian cu sibawi te nih hope a um ti lo an ti i Oxygen kan phoih canglai an ti

Rev. Dr. Hai Vung Lian he pehtlai in-ACSY Secreaty Pu Peng Hu nih-A tu hi Rev, Dr Hai Vung Lian cu sibawi te nih hope a um ti lo an ti i Oxygen kan phoih canglai an ti, achung khar nih an siang rih lo..tiah thawng kan theih..Thla cam bawm cio rih ko hna usih. Tiah ca a van thlah. Lung dong lo te in thla cam piak hna usih. A tu te kha US in a hmanthlaak ka hmuh i thlacam piak khawh ding in ka van taar. JP Biak Tin Sang

Thawngpang dang relchap >>>>>

Myanmar President Thar le Vice President Thar Si Ding Tarlangh An Si Cang

Hithil hi NLD nih an chuahmi a silo i an pompi mizong a si lo, a sinan a si khomi thil a si ko tiah ruahmi le zumhmi a si tiah, Democrcy Vision i tarlangh mi a si. An mah zongnih hithil hi a si hrimjrim lai kan tinak silo in Democracy Vision i zumhning lawng a si tiah mipi sinah chimfian nak a ngeih chih.

Myanmar Cozah thar ah Myanmar president si kho ding i Democrcy Vision i zumh bikmi cu a tu dirhmun i Myanmar president a ttuan cuahmah liaomi U Win Myint a si. Tukum rampi thimnak zongah a dirnak hmunah teinak a co i president ttuan tthan dingah an zumh bikmi a si. Pahnih nak ahcun a tu dirhmun i Yangon ramthen CM ttuan cuahmah liaomi Phyo Min Thein a si. A nih cu tukum thimnak ah ai tel lo nan, mipi nih a i bochan taktak mi a si ruangah president thar ttuan kho dingah an telh ve.

Pathum nak ah Tu dirhmun i Naypidaw kaungsi ukathah a ttuan cuahmah mi Dr.Myo Aung a si i Daw Suh he ai kawm ngaimi an si, nikum i Myanmar president ttuan dingah mi tampi i an zumhmi a si. Pali nak cu Myanmar president tthing U Thin Kyaw i a nupi Daw Su Suh Lwin a si i tukum Myanmar rampi thimnak ah pituh hlutdaw palai dirhmun in Tawka myone ah NLD in a tlingmi a si. panga nak ah Dr.Thant Myint Oo hi a sive.

Mahhna pawl hi Democracy Vision in Myanmar cozah thar ah Myanmar president sikho dingin an zumh cemmi minung 5 hna an si. A theirih lomi tthangthar mino hna caah Daw Aung San Suh Kyi cu phung hrampi a khan 5, pohmah 59 bantuk in a pasal le a fale ramdang mi an si ruangah Myanmar president a si kho lo. Cu ruangah rampi ruahnak cheutu sinak pek a si.

Democracy Vision nihcun Myanmar cozah thar ah Vice president pakhat sikho ding i a zumh cemmi pawl a tarlangh i tu dirhmun Vice president ttuan cuahmah liaomi U Henry Van Thio cu pakhat nak ah an chiah. Pahnih nak dirhmun ah Kaya ramkulh CM hlun U L Phuang Sho chiah a si. Lih le hrokhrawl in i puhnak phunphun ruangah Kaya ramkulh CM a sinak in dinhter a rak si bal nan,tukum rampi thimnak ah NLD palai in zuamter tthan a si i teinak a co bantuk in Vice president si kho dingah zumh ngaimi a si.

Pathum nak ah Chin ramkulh NLD party ca i a cawlcang mi pakhat Dr.Sasa a lang ve i Myanmar cozah thar ah Vice president sikho ding pathum nak dirhmun ah chiah a si ve. Hihna pathum lakhin pakhat khat Vice president an silo hmanah NLD i pek dingmi Vice president dirhmun pakhat cu tlangcung mi lakin a si hrim lai ticu Democracy Vision nihcun a zumhmi a si. (Democracy Vision)

Be First to Comment

Leave a Reply

Your email address will not be published. Required fields are marked *