Press "Enter" to skip to content

Apoi Ko : Kawlram Ralkap Pawl Nih President ,Suh Kyi Pin Ah NLD Hruaitu Upa Pawl Vialte An Tleih Dih Hna

Myanmar ram buainak i a reh cang lai maw kan ti cuahmah lio ah khuaruah har ti awk in ralkap cawlcangh ning cu a mak ko, tuizing February 1 ah NLD hruaitu pawl vialte an tleih hna tiah thawngtheih a si. Mah cu thawngpang cu anmah NLD aiawh i thawngpang thanh tu nih mipi sin ah chimphuan nak le thawngthanh nak a tuah ti a si.

Tleihmi lakah Myanmar ram president U Win Myint le rampi ruahnak petu Daw Aung San Suh Kyi zong an tel ve tiah theih a si i ramkulh kip in NLD hruaitu pinah CM zong tleih a si. NLD lei i chimning bantuk a siah cun, ralkap nih uk nak lak an timh.Uk nak an phuan ti a si ko i noh an soh than te hnga maw timi cu theih a si rih loh.

NLD thawngthanh tu Dr,Myo Nyunt nih cun “Tu i kan theih khawhtawk ah cun, hruaitu deuh hi cu ralkap nih an tleih viar cang hna. Curuangah cun uknak an la tiah kan ruah. Naypidaw zong ah rampi president le ruahnak petu cu an tleih hna i, hmundang zong ah hruaitu deuh cu an tleih dih cang hna.

“Mipi sinah cah kan duh mi cu hahdam tein um uh law,phunglam bantuk in tan kan lak thluahmah ko lai. Mah cu ah kanram pawngkam China , India le ramdang pawl zong nih Myanmar ram Democracy taktak a ngah ding cu an duhmi a si,” tiah a ti. ( BBC ,VOA )

Be First to Comment

Leave a Reply

Your email address will not be published. Required fields are marked *