Press "Enter" to skip to content

Apoi Taktak Si : Kawl Lak I A Um Mi Chin Mi Hrimhrim Hi I Ral Rin Bak A Hau

Myanmar ram zong ah misual an tamtuk cang i kawl lak zong ah ralring tein khuasak a hau cang. Minung thah hi a poi ah an chia ti loh i, nu va sualpi cu chizawh tleihtluk hmanh ah khin an rel ti loh ti a si. Hi bantuk buainak a tong mi lak ah hin a tam u cu kawlpawl um nak deuh a si caah kawl lak i a um mi Chinmi hrang ah i fimkhur tuk a hau mi a si.

December 7, zan nazi 8:30pm hrawngah khan Yangon Shwepyita i a um mi nupa hna cu an riantuan nak in innlei ah an lawi i, cycle in an i phirh. Cuti an kal cuahmah lio ah cun lampi ah an hnulei in bike ai cit mi nih an dir ter hnu hna ah nan in an tuk hna i an phone an lak piak hna. Mah cuhnu ah cun thildang an neih mi a um ti hnga maw tiin an taksa cu an dah viar hna hnu ah a pasal cu a kut an tanpiak i a nupi zong an hro chih buin an bike ah an khin chih i an kalpi.

Hmunhma pakhat i an thumh hnu ah misual a sang deuh mi nih mi nupi cu a tleihhrem hnu ah pakhat deuh nih tleihhrem a van timh ve bak cun lampi i bike a ra mi meiceu nih a chunh hna i cuti cun misual pahnih cu an zam ti a si. Cuthil cang mi he pehpar in cuhna nupa nih cun palik an va theihter hna i misual pahnih cu an kawl colh hna. A zanzan in misual an kawl tikah zinglei nazi 2:00 hrawng ah lunghtinh mi minung an va hmuh i, bia an hal an hro tuk hnu ah cupa cu a sualpi tu minung a rak si.

Cutikah an pahnih cun palik nih an tleih colh hna. Anmah zong Yangon Shwepyita i a um mi Nyi Nyi Tun le Wunna Aung an si. An pahnih in nu sualpi tu case ,mifir case le suamhmang case siampiak an si i, phunglam ning bantuk in an kong ceih ding a si. (News Journal) Credit : Vapual Auaw

Be First to Comment

Leave a Reply

Your email address will not be published. Required fields are marked *