Apoi Tuk E : Kawl Ralkap Nih Sandah Piahnak Ah Ngakchia Nute A Mit Ah Fak Tuk In An Kah Than
Nizaan Mandalay Sandah piahnak hmun ah Ralkap le Police nih Chai, Rubber bullets le Meithal an hman caah minung pahnih zong hliam fak ngai in an tuar ti asi. Cu Ngakchia kum 9 lawng a si rih mi zong a mit ah an khen caah a mit khat lei khua a hmu kho ti lai lo tiah an chim.
Hi thawngpang (Ngakchia nu) konglam le a hmanthlak hi Media pical nih cun an langhter mi a um rih lo. A si nain Kawlpa pakhat nih a pumpak timeline in a tarlangh. Minung tampi nih share zong an tuah len i Kawl ralkap cung ah an lungfahnak cu biatak tein an langhter cio ve hna. A tarlangh mi taang ah comment tampi a um, lih a si timi a tial mi an um lo, ralkap cung ah sualpuhnak comment lawngte hmuh khawh asi. Hi ngakchia te hi a mit khat lei cu a rawk, khua a hmu kho ti lai lo tiah catial tu nih cun a langhter. laikokekjournal
Thawngpang dang relchap >>>>>>>>
Zanṭim Ah Mipi Nih Ralkap Bawi Le Palik An Tleih Hna
Tuliao Myanmar ram dirhmun cu a chia taktak, duhlonak langhter in (sandahpiah mi) an tam deuhdeuh ruangah Min Aung Hlaing nih thawngtla tam taktak a chuahter hna i mipi lakah buainak tuah dingin a fial hna. Cuhna pawl nihcun ralkap nih buainak an chuahter lo i mipi le mipi karlakah buainak a chuak tiin langhter an timh.
Thawngtla chuak pawl sin ah tangka an pek hna i buainak an tuahter hna tiin mi cheukhat nih an chim, hriamnam he an an vak i duhlonak langhter i (sandah) a piah mi pawl cu hnahnawh an pek hna i buainak an chuahter thluahmah.
Yangon Le Mandalay zongah ralkap pawl nih an fialmi hna nih mi inn an khanghpiak hna, cun duhlonak langhter i (sandah) a piahmi pawl lakah tikik an phawtter hna i tikik dur chung ahcun tursii (thihsi) an cawh tiah theih a si. Tikik an phawtmi a dingmi lakin siizung a phanmi zong an um cang.
Mipi nih thawngtla chuakmi misual 20 nak tam an rak tleih ve cang hna. an tleihmi pawl cu bia an hal hna tik ah ralkap bawi le palik ṭuanliao mi zong an um. Asinan, thilsual an tuah duh ruangah an Uniform cu an i hruk lo mipangai bantuk in an cawlcang ve.
An tleihmi pawl cu palik sakhan ah an ap ngam rih hna lo i khuabawi inn ah an hren rih hna. Palik sakhan i an ap hna a si cun an chuah colh sual hna lai ti an phan ruangah a si. Tuliao Myanmar ramchung dirhmun cu a chia taktak, mipi kilkawi tu ding ralkap le palik pawl nih ramchung mipi pawl cu kil kawi loin le, an ningttih phengtu silo in mipi a dohtu ah an cang.
