Press "Enter" to skip to content

Apoi Tuk E : Myanmar Ram Rihkhawdar Ah I Thahnak Fak Taktak A Phan

Tuzan thawngpang kan theihmi cu a mak in a rapthlak ko. Kanmah ram kawlram chung cu hmanh ah Chinram i a cangmi thil a si i hi bantuk thawngpang ttalo tukmi Chin ram chung i a phanh tikah thinlung a fak taktak.

November 3, zanlei suimilam 4:30pm hrawngah khan Myanmar ram chung Rihkhawdar khua ah Lainawn nak rapthlak taktak mi a tlung. Pu Tluanga Rihkhawdar Lungrial nak seh zohkhenh nak hmun i a ttuanmi pa nih Myanmar ram chung i phone Company i a ttuanmi pu Faka tiah auhmi fa pakhat neimi pa cu a thah.

A thah ning hi a fak taktak a hngawng a tan i a lu a tanmi hi a mah nih ai chiah i a hngawng tang a taksa tucu a thah in nazi 1 hnu hrawngah an hmuh tthan. Mah mipa hi Zokhawthar Pu Khuaha (Ex VCP ) pa sin ah can saupi a rak um cang i karate thiam tak mi a si .

Siahngak chia karate chimding in timhtuah a si liao ah Covid -19 ruangah kawlram Leiah kir tthan in Rihkhawdar Pu Tluanga te lungrial nak seh zohkhenh dingin a ummi a si. A mah hi Baptist khrihfa bu a si i Pathian bia leizong a dungai mi a si, a mi thahning kong police nih an hal zongah Pathian caah ka thah tiah a ti.

Rihkhawdar mipi pawl cu an thinhung tuk i mithat pa hi police station ah an kulh i police nih falam lei kalpi dingin an timhtuah cuahmah liao a si tiin Zoram Voice nih a chim.

Be First to Comment

Leave a Reply

Your email address will not be published. Required fields are marked *