Press "Enter" to skip to content

Apoi Tuk E : Pasaltha Pakhat Nih Ram le Miphun Caah A Nunnak A Pek Than

Nunnak thap in SAC ralhrang a dohtu, KNDF pasaltha pakhat cu SAC ralhrang pawl nih an tarh mi Bomb a fimtawl nak nak ah aa lamh sual i a nunnak a liam tiah theih asi.

Kayah ramkulh, Demoso peng khua chung ah SAC ralhrang lei nih an tarh mi Bomb pawl cu mipi caah tihnung zong a si caah tiah KNDF lei nih thianhnak an tuah hi asi. Nizaan October 1, 2021 ah khan KNDF pasaltha Maung Hla cu Bomb thianhnak a tuah cuahmah lio ah, vanchiat ah a puah hnawh sual i a nunnak a liam hi asi. A mah hi Khrihfa tha a si, a ruak an vui zong ah a lu cung te ah Jesuh hmanthlak an chiah piak chih ti asi.

Atu zarh chung ah Kayah ramkulh chung ah raldohnak faak ngai a pehpeh in a chuak, KNDF siseh, pengkulh PDF hna i bawm in SAC ralhrang pawl cu biatak tein an kah hna hi asi. SAC ralhrang lei nih hriamnam pical, ralhrang thazaang tam taktak in an kah hna nain KNDF lei a hawile pawl nih tam ngai an thah hna caah SAC ralhrang lei cu hnu ah an pil than ti asi.

Naitan raldohnak a chuah hnu ah, hmunkip nawn ah SAC ralhrang lei nih Bomb an tarh, cu pawl cu KNDF lei nih thianhnak an tuah cuahmah lio ah pasaltha pakhat nih a nunnak tiang a pek hi asi.

Nihin October 2, 2021 zong ah khan Demoso pengkulh, Kungta khuate ah Eidin tirawl a va la ta mi nu pakhat zong lampi ah SAC ralhrang tarh mi bomb aa lamh sual i a ke a kiak ti asi fawn.

Be First to Comment

Leave a Reply

Your email address will not be published.