Press "Enter" to skip to content

Apoi Tuk E : Ralhrang Kut In Pu Ral Tu @Bawi Bik Thawng pa le Pu Hram Cung An Nunnak A Liam

Kan Pa Pu Ral Tu@Bawi Bik Thawng pa le Pu Hram Cung cu ralkap kut in 29/9/2021 @6:30pm ah Thantlang ah an thisen a luang i nunnak an pek. Tuchun 30/9/2021 ah Hakha lei in Hakha Pastors hna le HBA kan pale hruainak in kan va fuh hna.

An ruak cu an kahnak hna hmun teah Motor cungah kan va hlawm hna i TABC tualhmai ah kan fimhhlawm hna hnu ah caan tawi service kan ngei khawh hnu ah thlanhmun leiah ruak vuinak zong tlamtling tein kan ngei kho.

Tutan Thantlang kan ning ttih le harsat lio ah ruak a kan fimhlawmtu HBA hruaitu hna le Hakha Khrihfabu kip hna cungah kan ilawm. Hakha in Volunteers Group (HTPHC) hna cung hrimhrim ah kan lunglawmhnak a ngan hringhren ko. Thantlang na kan zuan hnawhnak le ruak na kan fimtawlnak tuanbia hi techin fapar tiang in philh khawh a si lai lo.Hakha kan ilawm tuk. Credit : Sui Lian Kam

Be First to Comment

Leave a Reply

Your email address will not be published.