Press "Enter" to skip to content

Apoi Ve Taktak Si : A Thi Taktak Rua Tiah An Ruah Caah Ni (11) Chung Thlankhur Chung ah An Phum

Miphun thenkhat cu mithi an ngeihtik ah an phumcolh tawn hna lo , a ruang cu an thih taktak lo sual ah tiah can zeimaw zat chung an mithi cu innchungah an i chiah rih i a thi taktak ko ti an fian i an i lungsak cikcek hnu lawng ah thlan lei ah vuai an si tawn.Brazil,Riachao das Neves khua i a um mi nu kum 37 mi Rosangela Almeida dos Santos timi nu cu a hngakchiat lio tein mi damlo ngai ngai a rak si tawn .

Woman buried alive

A hung puitling i pasal a ngei nain fazong a ngei lo,January thla ah a damlo nak a zual deuh i sizung ah an kalpi . Sizung a um chung ah voihnih tiang heart attacks a nei i a damlo nak cu zuallei a panh caah sibawi te nih an thlop kho tilo i a thi an ti hnu ah January 28 ah sizung cun an lawi pi .A thaizing ah thlanlei ah a ruak cu an kalpi i an vui , a ruak hi ruakkuang nor khawhmi phun in an tuah . Thlanchung i an phumhnu ah cun thlanmual lei i a um mi pawl nih a thlanchung in thawngpang an theih lengmang .

Zanlai ah cun mithi kuang chung in authawng le miruak kingh thawng cu an theih peng caah an lungtha tilo i February 9 ah Ms Santos a chungle sin ah an va chimh hna .A chungkhar pawl nih cun a ran nak in a thlan ah cun an rak rat hnawh than i a thlan cu an hlai i an zoh tik ah Ms Santos cu a rak thi taktak cang , a sinain aruak cu an vui lio i an chiah ning in a rak um ti lo i phundang ngai in a rak i let thal ti a si .

A ruakkung chung in chuahkhawh nak ding ah heh tiah a mah tein a rak i zuam i a cawltuk nain a cal zong a rak pem dih i thisen zong a chuak ti a si . An phum lio ah hin a taksa ah zeihmanh hliamhma zong an hmu lo ti a si .Culawng silo in ruak kuang a rak cumh nak ruang ah a kut zong a rak kok dih ti a si i a ruakkuang an khenh nak thir zong tlawmpal cu a rak pong pah ti a si .

A rak thi taktak lo i an phum hnu canzei mawzat hnu ah a mah tein a rak i zuam tuk nain a celh tilo i a thi thai mi a si ti an theih i a chungkhar pawl cu an ngeihchiat nak a faktuk khun ti a si .Thlanmual pawng i a um vemi nu pakhat Natalina Silva nih cun “Thlanmual lei in Ms Santos phumnak lei in zanchiar thawngpang cu kan theih tuk peng ko nain a hramthok ah cun tleirawl pawl nih mi an thih mi sawhsawh ah kan ruah .

Asinain a hnu ah a thlanpawng te ah ka va kal tik ah cun thlachung in authawng ka theih caah ka siarem lotuk i an chungkhar sin ah kan va chimh hna nak a si ” tiah Brazil G1 thawnglatu sin ah a chim .Ms Santos ruak an va zoh than ah khan a taksa zong a rak lum tuk rih ti a si i a chungkhar pawl cu Ms Santos thihnak ah hin thil diklo a um an ti i palik sin ah reportnak an tuah colh ve .

Police Chief Arnaldo Monte nih ” Tuchun in a konglam cu buaipi hram kan thok colh i a herh ah cun Ms Santos a ruak zong zohfel nak kan ngei than lai i thil diklo zeidah a um timi cu theihkhawh kan i zuam ko lai ” tiah a chim ve .An rak thlopbul nak sizung De Oeste lei zong nih hlathlai nak caah a herhmi an zohter dih dingin timhlamhnak an ngei ve tiah theih a si . Source : Dailystar

Be First to Comment

Leave a Reply

Your email address will not be published. Required fields are marked *