Press "Enter" to skip to content

Apple le Tesla Stock Ṭhenbaoh An Si Lai.. U.S Um Lai Mi Caah Thawngtha Bak Si Ko Hih

Rum a duhmi paoh nih mah hi rak icawk cio te ulaw…
Nai hrawng Stock kong a von laar pah ngai.

Kan hnung deuh ahkhan Tesla le Apple nih “Stock Split” an rak tuah lainak kong “Riahbuk” ah ka ṭial. Minthang company ngan taktak nih “Stock Split” an tuah caan cu mi zaraan caah caan ṭha taktak khi a rak si. Coronavirus a dih zau cang lai. Moronavirus zong a term dih cang lai i lih in mi hlen hmang an um ti lai lo.

Tikah, vawlei fimthiamnak le nihin vawlei hmaileipi tiang a hmunhnak dingah a biapi bakmi hi company pahnih stock cu atu i nai cawk zong ah na sung lo tengteng. Kum voi ah khin let hnih in a kai lo hmanh ah let khat le cheu paoh cun an kai lai. Coronavirus caan lio i Amazon tbk stock an kai khi khuaruahhar awk si lo. Virus aa thawkka ah a caw kho nih icawk ding ka rak ti ko khah.

Amazon Stock phun a ngeimi nan um sual cun, zuar hram thawk cang uh. Virus a dih hnu cun, an tla tengteng lai.
Tesla hi cu nihin vawlei nih a herh ngaingaimi a si. Competitors belte an tam ngai. Hyundai nih biatak in ai zuam. China ah cun Tesla ta nak caan sau taktak a nguhmi motor khaltu battery an ser chuah khawh. Nain, Tesla boss cu mi zaraan nak hmanh in rian a ṭuan deuh. A lungput flexible ngai a si fawn. US brand timi aa ngeih fawn tikah Tesla siam electric car pawl cu an idawh pah lo zongah vawlei cung “buu suai” cu an si thotho te lai.

Khua a van pau lai. Pialsual pawl bawi US Pu Vom zong cu a ril lai i…. khuacaan aa ningcang deuh cang lai. Mah belte hi theih a hau. $.1,000 man cawk i $ sing khat hlawk a duhmi nan um cun, cu bantuk cu vawleicung ah a um lo. Bitcoin belte nikum nakin let thum renglo tluk in a kai. Kai thluahmah rih dawh in a um.

Bitcoin future kongkau hi chim awk ṭha lo nain, khua a pau cun a ṭum lai ding cu um tuk lo. Cozah le bank pawl belte nih an huat ngai te lai i zeidek lawh te hnga!. Bitcoin 1 te a caw khotu Laimi ah cun kan tlawm ngai cang lai. Tulio a dirhmun ning ah cun…$ thong hnih thum men in na rum colh lai lo. Na phaisa hleimi tete kha bank i na chiah sawhsawh nakcun, Tesla le Apple tbk kha caw ko hna.A bu le a hrawm in $ sing hnih thum man nan cawk tikah, 30% a kai hmanh ah a miak khi tuak tuah. A tlawm ti lo.

Crd: Salai C Alexander

Be First to Comment

Leave a Reply

Your email address will not be published. Required fields are marked *