Press "Enter" to skip to content

Asho Chin Defence Force (ACDF) Dirh A Si Tthan

Atu dirhmi ACDF(Asho Chin Defence Force) cu 1). Ralhrang uknak hriamnam in dothlennak tuah dingah hriam atlai mi Asho Chin mino funtomnak 2). EAO le PDF phu hna le dothlennak atuah mi hna he hmunkhat ah tuan ti.

3). Zei bantuk dothlennak tuah mi phu he paoh kan i fonh lai tiah ACDF (Asho Chin Defence Force) nih an langhter. Crd; the federal times

Relchap; Nov 16, online in tuahmi National Unity Consultative Council (NUCC) Press Release ah 88 hruaitu le NUCC hruaitu a simi Min Ko Naing nih “Zeitikhmanh ah ralhrangbu he cabuai cung biaruahnak kan ngei lai lo. Ahodah biaruahnak ngeih cu a duh? Thil a cang cuahmahmi le an cawlcanghning hi teh biaruahnak ngeihpi awk tha an si maw ti hi ruahchih a hau” tiah a chim.

Hmailei ah hriamnam bochan in ukmi ram kan si lai lo i 2008 phunghrampi tang zongah kan lut ti lai lo tiah Min Ko Naing nih cun a chim fawn. NUG cozah ruahnak petu bu a simi NUCC ahhin tlangcung hriamtlaibu 8 an i tel cang tiah theih a si. Cu chungah KNPP, CNF le KNU zong an i tel. A dang aa telmi cu langhter awk an tha rih lo tiah theih si.

NUCC ah aa tel rih lomi tlangcung hriamtlaibu dang hna zong a si khawh chungin sawm kan i zuam rih lai tiha Min Ko Naing nih cun a chim. Cun a ra laimi December thla chungah NUCC nih mipi tonpumhnak (ပြည်သူ့ညီလာခံ) tuah dingin timtuahnak an ngei fawn. An i tinhmi bantukin a kal khawh ahcun mipi tonpumhnak hi thla 6 ah voikhat tuah a si lai.

Nov 16 ah tuahmi NUCC Press Release ah Dr. Lianhmung Sakhong zong nih ralhrangbu cu a lamkip in doh a herh rihnak kong a chim ve. Cu pinah Federal phunglam a hran an sermi cu a voihnihnak remh cuahmah lio a si i Demceber ah tuah dingmi mipi tonpumhnak ah chuahpi in fehternak tuah a si lai tiah Dr. Lianhmung Sakhong nih cun a chim fawn.

NUCC chungtel U Lwin Ko Lat nih NUG hi ram cheukhat nih a kan cohlan thluamah cang, langhngang in an langhter rih lo caah a si tiah a chim ve. Atu tiangah Czech Republic, South Korea, US, UK, Australia le France ram hna ah NUG palai zung on a si cang tiah U Lwin Ko Lat nih a chimchap. Crd; The Chin Post

Be First to Comment

Leave a Reply

Your email address will not be published.