Press "Enter" to skip to content

Atu lio kan miphun lak i social issue a si deng cangmi thil pakhat cu, riantuan lo le chungkhar khuasaknak ding tuaktan piakmi ngei bak lo in Pathian nih kan cawm ko seh, ti duak zau i free evangelist bantuk in Pathian rian tuan ah vah hi a si

Hlawhtlinnak le Teimaknak Jeff Bezos company, Amazon hi A.D 2001 tiang ah khan zeite hmanh a rak si rih lo; a dir kho, dir kho lo hrawnghrang dirhmun khi an rak si rih. A beidongh ngai caah Jeff Bezos nih “Good to Great” timi cauk tialtu pa, Jim Collins a rak auh i a cauk chung ummi cu a riantuantu hawi le dihlak he, biatak tein cawnnak le zohtinak an rak ngei.

Cu cauk pakhat an zohtinak hmang in a company a thanchonak hnga ruahnak le idea thar tampi aa rak i lak khawh. Kha caan thok khan biatak tein Amazon company riantuanning, cawlcanghning le papekmi (focus) an rak thlen dih. Cu hnu ahcun duhsah tein an company A tthang i A.D 2001 dongh lei lawng ah khan a miak (profit) tlawmte te in hmuh hram an rak i thok kho.

Atu ahcun vawlei cung company ah a man fak bik pakhat si cang. Zeibantuk cauk le cawnpiaknak nih kan nun le dirhmun a thlen te lai, timi kan hngalh khawh lo caah, kan hmuhmi cauk poh rel dih usihlaw, kan hngalhmi cawnpiaknak poh kai dih i zuam ko u sih. “Rumnak le hlawhtlinnak nih Vancung in an tlak hnawh bal lai lo; ningcang tein kan suaisam i kan tuahmi cung tu ah Pathian nih thluachuah a pek lai”.

Atu lio kan miphun lak i social issue a si deng cangmi thil pakhat cu, riantuan lo le chungkhar khuasaknak ding tuaktan piakmi ngei bak lo in Pathian nih kan cawm ko seh, ti duak zau i free evangelist bantuk in Pathian rian tuan ah vah hi a si. A cheu cu, zumhnak an ngeih taktak caah Bawipa nih a cawm hna i a cawisan taktak ve hna nain a tam deuh cu, zumhnak ngei huaha loin a pungsan lawng an tlaih caah si rua; an vaivuan dih.

Leibaa sang an ngei, an min chia, an chungkhar tiang in a rawk cuahmahmi an tlawm ti lo! Kan Bible chung ah pastor tha bik le evangelist tha bik cu Paul kha a si. Nain an nih cu, Pathian rian ka tuan caah pawcawmnak rian cu ka tongh awk si ti lo, timi lungput a ngei lo. A thawngtha chim riantuannak caah dawnkhantu a silomi rian tuan awk aa kawl peng. hian riantuantu, cu a tlacawp in nung ding kan si lo; timh ciammam tein a nung ding kan si” Hrambik Lian

Sual teinak step 2, Hrinthan hnu zong ahhin, zumtu kan lungthin sual duhnak hi a thi rih lo. Cucaah nifatin sualnak hi a tei in kan tei peng a hau. Thlarau nun puitling ngai ngeih hlan ahcun, sualnak hi zaam taak a hau. Zeicatiah sual duhnak lungthin kan timi “tukforhnak” kan tei kho tawn lo. Hi nun i kan um lio ahcun sualnal tei khomi kan sinak kha hawile nih an hmu kho rih lo.

Zuu ding hawile kan zaam taak hna lio caan a si caah an caah tthathnemnak zeihmanh kan ngei kho rih lo. Thlarau nun puitling deuh ngeih hnu ahcun zaam hau loin an sin um bu ah an tuahmi tuah lo tein um khawh a si cang. Hi nun hi zuu ding le mi sual hawile chanh chuah aa tim cangmi nun a si. Hawile nih sinak taktak an kan hngalh i “an nih cu a phun dang ko” ti hram an thok cu hi kaa hin aa thok.

Ka hrintthan kaa ahhin ka zuu dingpi hawi a rak hrial i a zaam taakmi bak ka si. Nain a caan a hung rau deuh i zuu dingmi ka hawile hrial ka hau ti lo. Kan rianttuanti hawi miphun dang le biaknak dang tete ka zoh lengmang hna i fiang tein ka hmuhmi cu: Muslim hi zuu/kuak/sadah a hrial kho bikmi an si. Cu pawl kong ahcun an thiang bak..an nih cu ziah, na din lo? ka ti hba i “kan pathian nih duh lo” an ti bak ko.

Hindu hi caan ttha hmuh poh ah a ding pengmi an si. Ziah muslim kan hawile nih kan pathian nih zuu din lo an ti i din lo bak in an um, nan nih nan din kun, ka ti hna. “Kan nih kan pathian cu zuu din kongah zeihmanh an chim lo; kanmah nawl cio si ko ee” an ka ti. Khrihfa hi a tam deuh cu Zuu a hrial bak lomi an si ve. India ram khrihfa zong hi an ding ei ngaingai, khuazakip ah rak si ko rua hih..

Khrihfa a si i biatak tein party nak ah zuu dingmi pawl cu ka hal hna, ziah nan nih nan pathian nih zuu din duh ko maw zei? Nan din peng kun, tiah ka hal hna. “Kan nih cu kan Pathian nih zeitin a chim kan ruat lo, biapi ah kan chia lo” tiah an nih pah in an ka leh bak ko. Kanmah khrihfa pawl pei sual cem ko hi..ti khi ka lung ah a hung chuakmi cu si.

Misual hna lakah misual khamhtu ding in thlahmi kan si caah, mi sual lak khua kan sak lio ahhin anmah tuahmi tuah ve lo a biapi tuk. Zuu an i tlaih lio ah thei hang i tlaih, beer an i tlaih lio ah ti i tlaih, wine an i tlaih lio ah Bible i tlaih hi dawh Pathian tehte ttha si cu a si ko cuh. A tanglei hmanthlak te hi kan office nuamhnak kan kal lio i ka hawile zuu hrai an i tlaih dih lio ah, #LemonJuice kaa tlaih ve nak te a si. Khi nun khi ka langhter duhmi nun cu a si. Hrambik Lian

Be First to Comment

Leave a Reply

Your email address will not be published. Required fields are marked *