Atulio Online Chung ah A Lartuk mi Kawl Pafa hna , A Pa nih Hin Ka Fanu A Si Ti A Thei Hnga Lo Maw ? A Fanu nih teh Ka Pa Tiah A Au Ngam Ve Ti Hnga Maw

Nulepa kan timi cu mithmuh Pathian bantuk an si i fale cung i dawtnak an ngeihmi le fale cawn nak ca i an tuar nak vialte cu fale nih zeitik hmanh ah chan khawh a si than tilo mi a ngantuk mi dawtnak a si.

Sihmanhsehlaw nulepa thenkhat ve cu fale cung ah zangfahnak pakhat te hmanh ngei lo in fale kha duhchung kut thlak i kan cawm mi na si tiah biaka thalo in ti hnawh i saram thinlung put hmanh a tluk lomi nulepa zong tampi an um ve thiamthiam ko.

Zei ca tiah saram hmanh nih an mah an hrin mi an fale cung ah cun dawtnak le zangfahnak thinlung te an i ngeih zungzal i an fale fahnak an tuar nak cha cun tiah an nunnak thap in sahrang lak hmanh ah an chanh ngam tawn hna .Thazang in ka tei ti riangmang in a mah thazang hmangin ai khamh kho rihlo mi hngakchia tete duhtawk in kut a thlak i online ah a thlah mi nulepa zong an um rih .
Kan hnulei te ah khan pa pakhat nih chizawh pakhat a hremnak video cu online a thlah i zeitluk zangfak in dah a hrem ti cu hmuh cio a si . Hitluk kan vawleipi a hram le a tah lio ah dawtnak nih hin pei kan vawleipi hi a dawh ter ko cu , lungfak a va si hringhran dah .Hi video na zoh mi hi a tulio kawlram ah a lar ngaimi a si i social media ah a video hi hmuh a si i mi tampi nih an share.

A hmutu mipi an thinhung tuk i hi pa hi hremnak pek siseh tiah mi tampi nih comment an pek . Na fa kha kut thlak lo tein a zulh dinglam kha bia in cawnpiak law thlacam piak law culam ah cun Bawipa nih a hruai ko lai , kutthlak theng a hau hrim lo thinlung a thiangmi hngakchia a nehsawh mi le a serhsat mi cu sanram tluk lo minung an si . Source : mmcelebrity.info