Press "Enter" to skip to content

August 25 khua chung ah Bomb, meithal le hriamngan he an kah thluahmah Hna caah thong leng an inn le lo kaltak in an zaam than

Kawlin peng Phalay khuami a thong leng an inn le lo kaltak in an zaam
==========================================

Sagaing ramthen,Kawlin peng Phalay khua chung ah August 24 ni thok in ralhrang hna nih meithal in an kah hna caah khuami a thong leng in an umnak hmun kaltak in an zaam tiah theih a si.

Phalay khuami pakhat nih ” Kan khua cu rallokap hna an ra i rau lo te ah kan khua pawng ah bomb voihnih an puah. A ho nih an puah ti cu kan thei lo.Thang taktak in kan theih tlawmpal ah kan khua chung ah meithal le hriamngan he an kah thluahmah i khua mi hna zong tihpah, laupah bu in kan zaam .

August 24 zinglei hrawng ah khan aa thok i, tuni August 25 tiang khua in an chuak rih lo. Khuami a hohmanh khua chungah kan lut ngam lo.Rawl a ei rih lo mi zong an um ” tiah a chim.

Phalay khua chungah rallokap minung 70 hrawng atu tiang hmunhma an lak caah Phalay khua inn (Chungkhar) 300 leng cu a himnak hmun ah an zaam.

August 24 zaanlei suimilam 6:00 hrawng ah Kawlin khua Palek sakhan cu min theihlo mi phu hna nih kut in chehmi bomb in an puah hna tiah Kawlin khuami pakhat nih a chim.

#DVBnews
Crd: The Chin Post

Be First to Comment

Leave a Reply

Your email address will not be published.