Press "Enter" to skip to content

Aung La Zohchia Tuk In a tei Tu Reinier de Ridder Nih Tuanbia Thar A Ṭial

Reinier de Ridder Nih Tuanbia Thar A Ṭial, MMA ah Champion si hi a fawi lo. Cu lio ah Reinier de Ridder cu Middleweight le Light Heavyweigh hmunhnih ah champion a si.

Amah bantuk in champion a hmumi an um bal ve ko nain kutcaang khiah khawh tluk an si. Culak ah Reinier de Ridder cu voikhat hmanh sunglo in atu bantuk in Champion a ngah mi a si.

One Heavyweight zong ah Champion si ding in aa zuam cuahmah lio a si tiah theih a si. Ref: One Championship,

SAC Ralhrang Ruang Ah Ral A Hrialmi Buhthalin Pengmi Hna. Sangaing ramṭhen, Butalin peng chung ah October 10 in ralhrang pawl an lut i Kutaw khua le Yuamon khua cu mei an khangh caah khuami hna an zam i a tu tiang an kir rih lo tiah theih a si.

Ralhrang hna nih inn 420 leeng a ummi Yuamon khua cu inn 98 an khangh i inn 280 a ummi Kutaw khua cu inn 23 an khangh tiah khuami sin in theih a si.

Cu lawng si lo in Buhtalin peng ummi khua hna ah nifatin ti awk in ralhrang an lut i October 15 ah khan Daingtai khua ah lut in meithal an kah ruang ah tarnu pakhat a nunnak a liam i khuami hna chuah bawmhding in a kalmi mipi ralkap pa 2 zong an nunnak a liam tiah theih a si.

Ral hrial in a um mi khuami hna cu an kir ngam rih lo caah an pawngkam khua hna le lei ti bantuk ah um hmun an khuar i ei-din, hnipuan ah an chambau ngaingai tiah The Irrawaddy-Burmese Edition nih a langh ter.

Min Maw Kun Cu Perth Burmese Communites Cultural Festival Hmanding In Perth A Phan, October 29 ah tuah dingmi Perth Burmese Communities Cultural Festival ah i tel ding in Kawlram hlasak le lemcang thiam Min Maw Kun (dohthlennak caah ral a dotu) cu nihin October 27 ah Perth a phan cang tiah theih a si.

Hi puai ah hin kawlram chuak miphun hna i lam phun tling, ei-din rawl pawl le thuam phuntling, cun thiamhleimi hmuhsaknak (talent show) le hlasak nak hna in hlunghlai taktak in kan tuah lai tiah MDNWA nih an thanh.

Hi puai tuahnak in an hmuhmi cu Kawlram ca a herhnak poh ah kan hlut lai tiah an langh ter chih. Source: Myanmar Democratic Network Western Australia

Sing 50 Pek In Malaysia Kal Aa Thawhmi Myanmar Rammi 6 Le Puaisa Pa 3 Thailand Ralkap Nih An Tlaih Hna, Malaysia ram ah phungning lo rianṭuan ding in puaisa sin ah sing 50 leeng a petu minung 6, anmah thlahtu motor mawng le puaisa 3 hna cu Thailand ralkap nih an tlaih hna tiah theih a si.

October 26, zing sml 9:30 hrawng ah lunghrinhmi motor kan hmuh tiah thawngpe tu an um caah mah motor cu an zulh dawi i inn pakhat ah an va tlaih hna hi a si tiah theih a si.

Tlaih a tongmi hna hi Rakhine lei an si i Kawhtawng lei in Thailand ah an puaisa nih an rak luhpi hna hi a si. Hi ti kal khawhnak ding caah minung pakhat nih 70,000 baht (Sing 50 leeng) cio puaisa sin ah an pek tiah theih a si.

Motor mawng chimnak ah cun motor man ah minung pakhat nih baht 4,000 cio an ka pek tiah a ti. Tlaih a tongmi hna cu Pakcian palik sakhan ah chiah an si tiah theih a si. Source: Migrant Times, CCNC

Van Ral Chin ram ah raltuknak vanlawngbual a um lo ca ah a lang in Tada-U, Magwe le Monywa deuh in Air Mission a kan tuah. Cucu kan vanthatnak pakhat a si. Tlik/dornak caan a tlawmbik 15-18 minutes kan ngei kho dih ti awk a si.

Vanlawng kahnak kan ngeih rih lo ruang ah kan rian biapi bik cu himnak hmun tuah kha a si ko. Vanlawng kah hi a bia cun kan chim ngai nain practice ah a har bak mi thil a si.

A biapit tuk lo ahcun chun ah Airstrike a tuah theng lonak a ruang ka hei purhdah mi cu EROs pawl nih vanlawng kahnak an ngei, nain zaan vanlawng kahnak cu an ngei loh ti a fian ca ah a si rua. Zaan vanlawng kah le chun vanlawng kah hi ai dang dom.

Cu ca ah a zapi nih kan tuah khawh mi cu khurcawh a si ko. Khur co usih. A cung chah pipi in chilh usih. A cim lo ding in co usih. Peng kip ah Public Administration kan ngei pah dih cio ko.

Mipi thanh khawh i zuam cio usih. Cun, Van ral kong ah Chinland Scout Network kan ngeih ahcun van ral in tampi kan him lai ka zumh.

Note: Naihrawng cu ka timeline ah van ral kong deuh ka tar kolai. A biapit ca ah midang theihter na duh ahcun rak share ve te. Credit: Salai Tial Hram Ling

Be First to Comment

Leave a Reply

Your email address will not be published. Required fields are marked *