Press "Enter" to skip to content

Aung Lan Sang cu:Hngakchia bantuk tein’mitthli he inn leiah lawi tar asi e.

Tuzan thil a cangh mi cu lungthin a fah hlei ah mitthli a luang ko a ruang cu teinak a hmuh lo hman ah hngakchia tuah in a tuah mi hrimhrim hi lungthin a fak i’A ngei a chia hrinhran’Mah bantuk in i tei zong kha a um bal lo.

A cung lei he pehtlai in Aung Lan Sang cu Hngakchia bantuk tein a tuah hnu ah’Ngeichiat nak he inn lei ah a lawi hmuh tiah ngei a chiah hrinhran Pathian tu nih teinak peh than te seh.

Thawngpang dang an si:

Minung sing khat hrawng __________awimi Vice President Henry Van Thio facebook page cu October 20. khan a rawk. Henry Van Thio timi Facebook Page pakhat tu ah NLD le amah cawlcanghnak cu kan tar cang lai tiah page sertu nih thawng a thanh.

Vice President Henry Van Thio timi facebook page hi atu i Henry Van Thio timi page he kan fonh lai tiah kan tuai nakah kan delete kan hrawh sual ti ah Henry Van Thio timi page ah cun an ttial. Facebook pages fonh (merge) cu a fawitemi a si caah hrawh sual a si hnga maw, tiah ruahnak a um.

VP Henry Van Thio hi vawlei le lei-kuang chuhmi hna kong ah rian pek a rak si a hlawh a rak tling ngai. Mah kong ah Kawl pawl nih an tihzah ngaimi a si. Lei-kuang le vawlei chuhmi kong a tawlrelnak tamdeuh hi a rawkmi Page ah cun an tar lengmang. Asinain atu cu hrawh a si.

Chinram, Hakha i tupa vawlei kong le innhmun, dum pawl kong ah an buai sek len lio ah VP Henry Van Thio hi aa thlaknak a um lo tluk a si. Media siseh, Opposition parties zong nih amah hi tamdeuh an rak ton ding a si, a tlaihmi rian a si caah. Nain atu cu caan a dih cang lai.

Atu cu Myanmar president office page le website deuh in pehtlaih a si cang lai. Henry Van Thio timi page tu cu a rawkmi tluk in a cawlcang ti lo.
Teirial catial tu

A tang hi relchap a duh mi hna caah:

An ral tu hna caah thla va camh piak hna” ti hi chimh afawi tena’n tuah a har bik mi asi lai dah! ka ti. Dr. Sasa thangchiat le hmualphoh nak ca internet cahmai ah an rak thlah mi karak rel ve. Athang chiat chimtu pawl caah Dr. Sasa nih thla a cam piak hna, timi zawng ka hmuh chap.

Dr. Sasa hi Apa (Pupah A.B) raithawinak, an chungkhar thlacam nak, (amah pumpak hrimhrim, thla a cam tuk mi asi) pekchanhnak le zumhnak in, atu dirhmun aphan kho mi asi caah, amah hmual aphoh mi le zoh alangh mi hna caah thla ka cam piak anti mi hi acam piak hrim lai tiah ka zumh.

Dr. aa liim kaa-ah, (Kawlram chung luh angah rih lo) Health and Hope Clinic, Indo-Burma ah adirh. Harsatnak tampi arak tawn. Clinic dirhkhawh lo ding tiangin, adohtu an rak um. Adohtu vialte hna kha thlacam lungsau nak in Pakhat hnu pakhat ava panh hna, ava nawl hna, an tang ava dawr hna.

Cu lio ahcun, atu I, thangchiat, Hmualphoh ca bantuk hi, an rak chuah i, Mizoram cozah sin tiang an kuat. An Ripot. Cu ripot nak ca pawl cu keimah zawng arak ka zoh ter I, karak hmuh, karak rel ve bal.

Ih, atu I, Khua a ka ruah ter-ngai mi pakhat cu;
Politics kan celh, tive ko ttung I, mi thangchiat chim (personal zoh va langh) le mi hmualphoh ahmang mi hna hi Miphun le Ram adawtu ansi kan ti kho hna hnga maw? tihi asi.

Micheu khat nih le, heh..tiah, Mi thangchiat bu in, Me pung an i dawnh ve hui.
Mi cawng-oih chim in Me kawl ahmang mi kan um. Hi MP aa cuhmi pa hicu; Dr. Sasa a huat tuk ruangah Me ka pe lai ‘OR’ Pu No Than Kap ahuat tuk caah, hi pa/nu hi Ram adawt bak asi tiah, atimi kan mipi chungah an um ka zum lo. Mi pumpak sawi si lo-in, a dik lo ning piin mipi an thlen I, lih hna an chim asi ahcun, an bia lila in, den ve tthan ding an si ko.

Dr. Sasa hi MP thimnak ah aa pe i/aa cuh mi zawng asi lo. NLD Me hmuh khawh nak caah bawmtu pakhat men asi. Phung ning lo-in a cawlcang lo I, Miphun aleirawitu zawng asi lo. Nangmah le keimah ve bang, Political party pakhat fekte’n a dirkamhpi tu cu asi ve.

“A Tree That Bears Fruit Will Always Be Stoned” Lai holh cun, A thei arah deuhmi thing kung cu lungcheh a tawn khun… tiah hei leh ko usih. Adik, ahmaan, a phung zawng asi ko. Aphur in phongh I, ro-car ter belte i tiim hin hla usih tiah, ka ruah nak ka vun langh ter ve mi asi.
By:Paul.C Tha

Be First to Comment

Leave a Reply

Your email address will not be published. Required fields are marked *