Press "Enter" to skip to content

Aung Lan Sang cu:Mah tibak hi a siko hi a pasal bak(+video)

Tutan video ka van chiah mihi Aung Lan Sang nih training a tuah tti mi pawl sin ah’A paw a thongh tar lio video a si hi tluk a cak ko i nizan a sung kha cu lungthin hi a fak ko mah video hi a thuat hnu ah a thlah mi asi ko ruah tiah ka ruah caah asi zeitluk an thongh zong ah a fak a theih bak lo a pasal bak a tang hi video a si rak zoh cio uh.

Theihtlei kong hi relchap ko uh:

1. I tthen u sih tiah va ti lengmang hlah,
I tthen u sih ti lengmang ruangah aa tthen thaimi zong an um bantukin aa tthenlomi zong an um ve ko, minung hi kan i lo cio lo, Sinain, i sik paohah i tthen u sih ti a tam tuk ahcun, i tthen thai a fawi deuh, i sik paohah i tthen u sih ti chim lengmang a hmangmi nih khin, a tthen taktak khawh lo caah a chimmi zong a si ko lai nain, khat lei kam nih a voitam cang hnu ahcun, i tthen taktak a lungah nih a duh cang lai.
Cucaah i sik tikah, i Tthen u sih ti chim hi i sum deuh a herh.

2. Na caan Amah caah a hleiin pe lengmang, hopaoh nih hin upat kan duh dih, Sinain upat nak pek timi hi mi tampi nihcun zeitin khin dah upat a si ti kan fiang tawn lo, caan i pek hi, i upat pakhat a si ve, na Dl lawngte kha caan pe peng tinak silo nain, na Hawikom sinah caan na pek nakin na Dl caah a hlei tein na caan pe tawn.

3.Zum tuk hlah, Dl le hi zumh ding bia le zumhlo ding bia a um tawn, a chimmi paoh na zumh ahcun, fawitukin an hlen lai i, hnu ahcun Nangmah lungfahnak a si ko lai, kan zumh sual ti site lai, cucaah na dl kha va zum tuk hlah, hi ti ti tikah khin, a zeipaoh ah va zum hlah law va unhpeng ka tinak si lo mu.

4.A duhlo bikmi bia in nan i sik caan ah na ti tawn ko lo mei? Aa fahsak nak bik bia in nan i sik caan ah na ti hnu ah khin,na lung ttha lo i, ngaihthiam na hal tthan tawn a si ahcun i sum cang, zeitluk an dawt ko zongah, a lungfahnak bik bia na chimmi nih khan, an ruahnak a zor ter khawh, cucaah nan i sik tikah, a duhlobik mi bia chim vaa zuam ti hlah.

5.Na hawikom tthabik kha hrial i zuam,
Na hawikom tthabik hrial i zuam ti tikah, Hawikom nei hlah ti duhnak a si lo, tahchunh nak ah khin, Nu nihhin Pa ah Hawikom ttha bik pakhat an nei,Pa zong nih Nu pakhat hi Hawikom ttha bik an nei ve ko, Sinain DL neih cang hnu ah,na dl nakin na Hawikom tthabik caah caan na pek i na Hawikom kha biapi ah na chiah deuh ahcun,na dl caah na dawtnak a hlum lo ngai lai, na Hawikom tthabik le na Dl caan pek thiam i zuam,na Hawikom tthabik biapi ah na chiah deuh ahcun,na dawtmi caah lungfah nak si lai i, na Hawikom ttha bik ruangah nan i tthen sual ahcun, Nangmah zongnih lungfah na in ve ko lai,khi hlei ah na Hawikom tthabik le na Dl kha an i hua kho, cu caah Hawikom tthabik nakin na dawtmi kha biapi deuh ah chiah i zuam.

6. Harnak a ton caan ah kal tak hlah, hrial hlah, Na duh tak mi nih, thil pakhatkhat harnak a ton i, sungh za tlaknak a ton tikah khin, chikkhat lungdongh in i tthen duhnak a um tawn, cutin na um sual ahcun, van ruat tthan rih, na duh tak i na dawttak mi si ahcun, zei a ton paoh ah na ton pi ngam a herh lo ma? Cucaah na dawt nih harnak a ton tikah zam tak hlah, thazaang tu pe ko.

7. Nan i dawtnak le midang an i dawtnak va tahchunh hlah,
Midang an i dawtnak ah, Nanmah nakin aa daw kho deuh mi zong an um kho men, Chawva in siseh, tuahsernakin an i dawtnak va zoh in na mit va thi hlah, Nang zong an dawtu nih a dawt bikmi na si i philh hlah.

8.Midang nih an chimmi bia paoh va zum hlah,
Na Dl kong ttha tein theih i zuam hmasa, Midang nih na dl kong an chim tikah, i zumh, colhin na Dl cungah na thinhun ter colh hlah, Midang nih an chim mi a si ma silo, a dik tak ma dik tak lo ti kha va hlat hmasa.

9.Na Dawtmi kha va upat,
Na dawtmi a rian ttuan mi kha zeibantuk rian a si zongah, tthanchonak a hmuhnak hnga ding caah, zaang der nak chim piak loin, Thazaang tthawnnak, a rian ah’ zuam duhnak thinlung a neihnak hnga va upat piak law thazaang va pe, a kum a sining zoh in na dl kha upat ttihzah fawn.

10. Na thinlung um mi paoh va chim.
A cungah na lungtlin lonak,na duhlonak, na remlo mi pakhatkhat a um tikah, chim loin um i, na duhlo ningin a um tikah, thinhun, ngaihchia in na Dl cungah i lungsak lonak langhter hmang hlah,na thinlung ah a ummi, na duhlomi le um seh tiin na duhmi,na ziaza ttha tein va chim, na duh lo ningin a um tikah, Nangmah lawngin va tuar hlah.

Tu phun 10 langhter mi leng ah, tampi a um ko nain, hi phun 10 ruangah hin aa tthenmi an tam deuh caah, tu na dawt lio mi he tthen na duh lo ahcun, Amah lawng zulh ter loin Nangmah zong nih zulh i zuam ve law,nan pahnih in i daw uh, i theithiam uh.nan i dawtnak hmun se.

Be First to Comment

Leave a Reply

Your email address will not be published. Required fields are marked *