Press "Enter" to skip to content

Austrialia laipa nih:Donald Trump mipi nih’An huat cem nak a ruang bik a phuan cang(+video)

Video chung in an chim mihe pehtlai a dihlak silo in mirang holh a theih lo mi hna caah’A tawinak in ka van let lai lo’Mah video chung ah an chim bik mi cu zeiruang ah dah USA khua chung a um mi mipi nih Donald Trump hi an huat tiah cun Donald Trump nih hin Khrifa mi hna caah thil tamtuk a tuah caah USA mipi tampi nih an huatnak le vote pek an duh lo nak hi asi tiah mah video chung bia a chim tu hna nih an chim cem mi cu asi ko’A tang hi video asi mirang holh a thiam mi hna nih zoh khawh asi.

Atang lei hi thawngpang dang an si hna:

Religion le Politics nacawh/fawnh chung paoh cu misan tlai lo zei theilo ka si hi ta tikha vaihngal duak ko, ram that nih le nan duh kan duh cio tung miphun e phun lo e Biak nak e biak nak lo e tiah a au mi pawl cu USDP le CNLD party lawng² hi ansi

NLD kan vote ah cun tefa chan ah chin nu pawl tuluuk nupi le kawl nupi in anluat lai miphun dang pa vat nak sal in anluat lai Nightclub kai nak sal in anluat lai miphun ram dang ah sal rian tuan ding in kal ahau ti lai lo kan ram ah rian tuan cawk lo aum te lai

USDP Chan ah phaisa tinghra 1000000 tlai ballo/hmu ballo zong nih Motor ting 4000000,OR 5000000 man kan i cawk kho dih cang, cawk ding tam tuk cang,acaan nih akal pimi si tihlah caan pek lo in zei rian hmanh asi kho lo tikha theih law, zei asi lo mi maluk malak kong hna ah nabuai peng rih asi ah cun mithang cho lo pakhat ka si ti kha vai theih ko ne’Chim ahcun chimding atam tuk chimcawk tu asi lo ee thil aum tu ning hi

A tang hi thawngpang dang asi:

Chin Pastor le Baibal cawnpiak tu tampi nih NLD an dir pi.Anmah duh thimnak cu a si ko.Nain Judah nunphung le Israel miphun nih an ram an dawtnak le an miphun an kilvennak kong tam bik a chimtu cu anmah an si than.Israel miphun an tlau khawh lo nak a ruang pakhat cu “synagogue” timi hi khuaika an umnak hmun poah ah thlacam tinak lawng siloin an nunphung kha miphun dang nih an dolh lo ngak hnga social gathering an tuahnak hmun zong a si.

Miphun tanh (Nationalism) le Miphun dawt (Patriotism) timi hi amah le zawn teah kan thleidan thiam a hau.Pathian nih minung vialte cu amah dawtnak cotu dingah aa rual tein sermi kan si caah thanh hlei cu a duh lai ka zum lo.Nain miphun dawt cu a kan duh piak.Kan Chin miphun kan dawt ruangah miphun dang kan huat hna a si hrim lo.Kan zumhnak le kan nunphung le kan miphun covo vialte hmuhnak ding caah kan dirkamh mi hi kan miphun dawtnak muru cu a si.Thanchonak taktak timi cu hika kan dirpi chungah aa khumh chih cia mi a si.

Kawl party cu Buddist tam deuh an si.An nunphung zong an biaknak ah hram a sih mi a si.Kan Chin miphun tam deuh cu Krihfa kan si.Kan ngeihcia mi nunphung zong kan biaknak nih duhsah tein a thar chuahmi a um ve.Atu lio ahcun kan biaknak le kan nunphung le kan miphun covo pawl hi then awk tha loin an i pehtlai hna.Kan miphun covo tampi lakah kan nunphung pakhat te hmanh kanmah tein khuakhan lairel nak pek a kan duh lo.

Baibal cawnpiaktu saya pawl..Baible chungah Israel miphun le miphun dang ral an i doh tikah na zumhnak le na biaknak in khuaika leikap dah na dir pi? Baibal biatak chim loin Baibal chung i bia thatha lawng khi maw aupi nai timh peng? Pathian caah cun zeizong vialte a si kho tiah na ti. A hman! Nain na miphun nakin miphun dang nai bochan deuh ahcun mu..Pathian nih nangmah leikap in na si kho lo an ti sual lai.

Dothlennak hi tampi a um i culakah lungthin thlen dothlennak tuah hi a har bik an ti.Jesuh zong nih nan lung i thleng u tiah lungthin thlen dothlennak a tuah ve.Baibal cawnpiak tu Saya tampi zong nan lung i thleng u tiah nan kaa cun nan chim ko nain kan miphun dawtnak kong ahcun nan lungthlen a har ngai ve.Lungthin thlen cu 2025 thimnak hngah a herh lo.Suh Kyi thih hngah zong a herh lo.Atu hi a caan cu a si.Vote for CNLD 2020!
Note: Soiselnak cabia siloin opinion ka tial mi a si. A rel mi poah nih share cio uh!
By:Salai Tin Maung win

Be First to Comment

Leave a Reply

Your email address will not be published. Required fields are marked *