Press "Enter" to skip to content

Bawipa Damnak Na Pek Chin Lengmang Caah Kan I Lawm Tuk E Nurse Nu Nih A Chim Mi Cu

A sunglawi tuk hringhran e. December 8,2020 Rev.Dr Hai Vung Lian thawng Update “ Hannah pa (Rev.Dr Hai Vung Lian ) cu a dam deuh ko. Nurse nih an van ka chawnhnak ah a vital zong a ttha ngai cang an ti. Lungfimlonak sii le Fahlonak sii cu kan pek rih ko an ti. Oxygen leval zong a ttha ngai ko an ti. Pathian thei mi kan si i damnak tling a hmuh khawhnak lai thlacamnak he kan i zuam lai tiah Sizung Nurse hna he an i chawnhnak Hannah nu nih a chim.

Thawngpang dang relchap >>>>>>>

Kawlram Mipi Mitthli tlakter tu Win le Zaw te Unau Caah Thawngpang ttha

Thailand diangpahrang thi cangmi chuahcam ah hin Thailand rami thawngtlami an chuah tawn. Tu tan zongah thawngtla chuah tthan dingmi ah hin Win le Zaw cu an i tel ve lo nain chanchung thawngtla dingmi an si. Asinain tu tan ah hin thawng an tlak ding kum an tthumh piak an sinak kong an mah buaipi tu sihni Aung Myo Thant nih a chim. Thailand pawl n siangpahrang tthing King Bhumibol Adulyadej chuahni December 5 ah thawngtla thawng 30 bak an chuah i, thawng 20 cu an kum a tthumh piak.

Sihni Aung Myo Thant nih cun “Nunchung thawngtla ding dirhmun in kum 50 ah an tthumh piak timi cu thil ttha tuk a si. A hlanah thihdan in chanchung thawngtla dingmi an tthumhpiak bal lo i Win le Zaw hi a hmasa bik an si. An ngakchia ngai rih i an caah caan tha a um tuk rih. Hmai lei zongah kum 10 an thumh piak kho men. Cuti i kum 10 an tthumhpiak ah cun ram pahnih i chimrelnak in an luat kho ko lai, ” tiah a ti.

Win le Zaw cu Thailand ram i khualtlawng mi Bristish nuva thah i a nupi tlaihrem i an thilri fir tu ah Thailand palik nih an rak puh i 2014 kum ah an rak tleih. 2015 kum ah thi dingin hremnak pek an si i Court sang deuh mi ah an kal nain Court sang deuh mi zong nih thi dingin thihdan a rak pe ve tthiamtthiam. Asinain Thailand Siangpahrang ttuan cuahmah lio mi Vajiralongkorn chuahni ah thihdan in chanchung thawngtla dingin an timi an rak sinain Thailand Siangpahrang thi cangmi Bhumibol Adulyadej chuahni ah chanchung hremnak in kum 50 ah an tthumh paik. (RFA)

Be First to Comment

Leave a Reply

Your email address will not be published. Required fields are marked *