Press "Enter" to skip to content

Benben Nih Lai Hla Thar Sak Mi Mi Cu ????

Chinmi nih Myanmar rampumpi huap in hlasakthiam a lar bak mi kan neihmi pakhat Benjamin Sum nih cun Myanmar Idol season 4 ai zuam hnuah a hmasa biknak hrang lai hla thar a chuah canglai tiah thawngtheih a si i, amah bak nih We Love mipi pawl a chimh hna.

Benjamin Sum cu Myanmar Idol season 4 zuam nak ah mipi duh bak mi le aw zong phundang te ai neih mi a si pin ah Idol ah final tiang a phan kho mo a si. Idol dih hnu ah kawl in hlathar funghnih tiang a rak chuah i myanmar mipi nih an duh mi le an uar bak mi hla a rak si veve. Song Of The Month le Song Of The Week ti bantuk in thim an rak si i Idol season 4 ai zuamtu lakah hla thar chuah mi chung in zohtu Million a nei kho mi a si.

Kawl in hla thar fung hnih a chuah hnuah lai in hla thar a chuah than lai i tu thla October thla chung bak ah lai hla thar cu mipi zoh khawh le ngeihkhawh ding in a thlah lai. a nile can cu mipi sin ah cun a chim kho rih lo i tuthla chung bak ah ai chuah ding cu a chim cang. Lai hla thar cu Idol ai zuam hlanah ama nih arak phuahmi a si i amah bak nih a sak lai. Ben Ben nih cun Idol ai zuam hlan zong ah Lai in hla fung hnih “Lamzin” le “Thlapi” timi a rak chuah cang i amah phuahmi le sakmi veve an si. Cu hla zong cu mipi duhtuk mi a si i, Chin mipi tamdeuh cu cuhla ah cun thazang an rak lak nak a si.

Lai hla thar a chuah nak ding kong ah Ben Ben nih cun “”Lai hla thar chuah ding ka nei i tu thla chungah chuah ding a si. Kawl hla chuah than ding hi ka duh nain, tutan te hi cu laihla ka chuah ta lai. Tuini ah “Virus” timi mibur hla thar hrang PP ka thlen i sau a rau lo men lai zsiruang tiah cun lai hlathar hrang ah pp ka thlen than lai.

Mibur i kan sakmi “Virus” hla a chuak hmasa lai i, cuhnu ah cun laihla ka chuah te lai. Lai hla thar zong zeidah a lawh te hnga rak ka cuan cio te uh. Hla ka tial nak cu a sautuk cang i a chuah hlan ah maw a chuah hnu ah dek hla kan tuahdan cu video in ka thlah than te lai. Mahcu Video cu Offical in ka thlah lo asi zong ah We Love ahcun ka thlah te ko lai. Thildang i kai telmi zong thlah thluahmah kai tim i, mipi pawl rak hngak rih ko uhlaw tiah kan cah duh hna,” tiah a ti.

“Virus” hla thar a chuak lai a timi cu mibu i an sakmi a si i kawl in a hla hmasa bik “Tonsal Ding Ni” timi a phuahtu Saw Htet Naing Soe i phuahmi a si. Cu hla thar cu Benjamin Sum , David Lai , Saw Htet Naing Soe , Esther le Chan Myae Maung Cho pawl nih an sak. ( Manager nih a rem a tinak in thlahmi a si) Credit ; VAPUAL AUAW

Be First to Comment

Leave a Reply

Your email address will not be published. Required fields are marked *