Chinmi nih Myanmar rampum huapi hlasak thiam kan neihmi chungin pakhat Benjamin Sum nih cun tuchun a nu chuahcam ah a nu caah hlathar pakhat “Night Mode” timi cu mipi ngaih khawh ding in a van thlah cang.
Night Mode cu Chinmi hlasak thiam le phuah thiam Julian Thang i phuahmi a si i San Moe Htet i awnmawi a tuahmi a si. Hla bia cu nungak le tlangval duhdawtnak a si i duhmi tel loin caan hman a har ning, duhmi he cun, zeipoh lungrual tein karhlan ti a nuamh ning, duhmi cu raldoh nak caah hriamnam tha bik a si nak kong a si. Tutan i Benjamin Sum “Night Mode” hla cu pop musice deuh in tuah a si i a hla bia siseh a hla thluk siseh mipi nih an duh tuk nak kong an chim cio.
Hlasak thiam Benjamin Sum cu Myanmar Idol season 4 ai zuam nak in rampi huap mipi theih le lar a si i Idol ai zuam hnuah Kawl in hla fung 3 a chuah cang. Myanmar Idol ai zuam hnuah kawl hla silo Falam in hla fung khat le Mizo in cover hla fung khat a rak chuah cang i Hakha in hawikom he saknak ah ai tel.
Culo kawl hla zong ah hawikom he an sakti mi a tam pi. Myanmar Idol season 4 ai zuam hlan ahcun Falam in ‘Lamzin le Thlapi” timi hla fung 2 a rak larpi tuk cang iMizo in “Kan Tuar Thiam Lo Mama” timi hla ah theih a rak hlawh tuk cang fawn.
Be First to Comment