Press "Enter" to skip to content

Benjamin Sum Nih Chinmi Lak I Hlasakthiam A Uar Bak Mi Minung Pa 3 A Van Thim Bak Ko Hna Hih An Aw Rak Ngeih Chih Hna (+ Video )

The Hakha Times in Myanmar Idol Season 4, 1st Runner, Benjamin Sum cu hmaiton biahal nak an neih i a tangcem ah an video link kan chiah. Benjamin Sum cu Covid-19 boruak ruangah Kalaymyo ah a tlung kho rih loh i Yangon ah a um cuahmah lio a si.

Amah pumpak in hla 8 arak i chuah cang i a hlawh a tling tuk, Myanmar Idol zuam nak ah pakhatnak ngah loin 1st Runner dirhmun ah a um. Kha lio ah a feeling um ning pawl kha an hal than i,Benjamin Sum nih cun “Ka hngakchiat lio in tuchun tiang ka ton mi, ka hmuhton mi zeipoh hi Pathiam remruat a si kho tiah ka pom.

Myanmar Idol liao ah 1st Runner ka ngahmi zong Pathian remruat a si tiin ka ngah ni a si tiin ka pom colh. Curuangah zeipoh hi Pathian remruat a si a ti. Benjamin Sum cu zeithil a tuah nak poh ah a pakhatnak ah Pathian a chiah lengmang ruang ah Vawlei thluachuah zong a co i, Myanmar ramchung i hlasakthiam dirhmun ah a phan.

Chinmi hlasakthiam lak i a uarmi 3 an hal i. A uarmi pawl cu (1) A nu (2) Tuan Ling Thang le (3) Pa Ling pawl hi an si. Ṭhenkhat hlasakthiam pawl nih Love Song sak hi a sual an ti i, nang nih teh a sual tiin na ruat maw? tiin an hal.

Benjamin Sum nih “Minung cu kan i khat loh i, kan thil hmuhdan zong ai khat loh i, kan ruah nak zong ai khat kho loh, cuban tuk cun, keimah personal in nan ka hal a siah cun, midang ruahnak va hal lo in, keimah personal in cun Love Song hi sual ah ka hmu loh” a ti. (Video zoh duh hrang ah hika hin Hmet- Piak) Credit : Biate Mizoram

Be First to Comment

Leave a Reply

Your email address will not be published. Required fields are marked *