Press "Enter" to skip to content

Bible Chung Hmun Pakhat Hmanh Ah Jesuh Min In Tipil-ing Timi A Um Lo

Biahalnak: Jesuh nih a zultu hna sinah Pa, Pa, Thiangthlarau min in Tipilnak ve pe a timi kha na chim i, mah cu Lamkaltu chan ah Pa, Fa, Thiangthlarau min in Tipil an pek hna lo i, mah ka zawn ah hin, Kan Unau Oneness hna nih Trinity hna holh kho lo in an kan tuah tawn nak a si I, zeituangahdah Pa, Fa, Thiangthlarau min in tipil pek lo in Jesuh Min in an pek timi kha na kan fianh kho hnga maw?

Lehnak: Na biahalmi ah na palh deuh rua ti ah ka ruahmi cu 1). Pa, Fa, Thiangthlarau min in tipil pek lo in, na timi ah Bible ah a um lo! 2). Jesuh min in tipilnak an pek hna timi zong Bible ah pakhat hmanh a um lo. An pahnih in an um veve lo.

Jesuh Khrih nih van a kai lai tein a zultu hna sinah na a pekmi hna cu, Khuaza kip ah kal ulaw, Pa,Fa, le thiangthlarau min in tipil nak va pe hna uh a ti. Bible ah Pa, Fa, Le Thiangthlarau min in tipil peknak a um lo hmanh ah,, Jesuh nih a zultu hna command a pek hna mi a si caah Tipil ingtu ding a um, a petu a um,, tipil dingmi pa a sawmtu nih Jesuh min in tipil ing uh a ti.

Tipil ingtu ding pa cu A pektu ding pa sinah a kal i, a petu nih zeitindah a pe timi Bible nih record pakhat hmanh a tuah lo. Asinain,, Jesuh nih Tipil ing nak kongah fiang tein a chimmi cu Pa, Fa, le thiangthlarau min in nan pek hna lai tiah a zultu hna sinah a chim.

Hi ka hin biahalnak keimah nih kan tuah hna lai,, “Jesuh nih Pa, Fa, thiangthlarau min in Tipil ing uh,, a ti caah Jesuh min in maw an pek hna lai, Pa, Fa, Le Thiangthlarau min in dah?” Ka leh tuah uh.

Sawmtu nih cun Jesuh min in tipil ing uh a ti ko nain Jesuh min in tipil an ing timi Bible ah pakhat taktak hmanh a um lo, mah ka ahhin a fiang mi cu,, Tipil ingtu pa cu Tipil petu pa sinah a kal tikah,, “Jesuh bia ba tuk tein, Pa, Fa, Le Thiangthlarau min in Tipil nak kan pek a ti lai.”

Zeiruangah tiah cun, Jesuh nih (Jesuh command a si) fialmi a si caah Jesuh bia a zum mi hna a zultu hna nih cun a mah Jesuh bia an ngaih lai I, Jesuh bia ning tein in Tipilnak an pek hna lai.

Note: Mah ca hi, Dr. Rual Uk biahalnak an tuahmi a tlak ningin lak chom mi a si caah a bia chimmi ning tein kan tial kho lo caah ngaih a duhmi hna nih cun YouTube ah fiang deuh le tling deuhin ngaih kho peng a si lai. A bia a fawi nak le a tial fawinak in ttialmi a si.

RELCHAP>>>>><<<<<< Sui Maung Nih Dr. Rual Uk A Ti Ning: Saya Rual Uk cu Online debate a duh lo natein online ah a holh kho ngai kha teh. Kei mi hi ka zuamcawh sawh sawh bal lo. Mi a zuamcawh hmasa mi cu saya Rual uk hi a si. Bia a chimhnak paoh paoh ah UPC min le Oneness min hi a tenh peng. Ngakchia a debate lio ah kan Pu Ralbuai leh UPC min chimh bakin a holh, Samuel kha UPC aiawh a silo, an personal debate si.

Tutan ah Laipa Kutzung nih a live lio break times ah chikhat te ka vun ngai ve i, Oneness hman mi Bible hi kan Bible a si, Bible an ngeilo tiah a ti. Bible Genesis in Malaki tiang, Pathian pakhat lawng lawng a bia mi Israel mi hna Ca-Uk a si. Cun Biakam thar Mathai-Biathlam tiang hi Israel Pathian biaknak kaltakin Jesuh lawng lawng a zumh mi Lamkaltu hna CA-Uk a si.

Lamkaltu hna nih cun Israel Pathian kha Jential Pathian hi a si ve tiah an cawn piak hna, Rome 10: 12. Rome 3:29-30 Israel mi hna nih Pathian hi Fapa ah a rat khawh an zumh lo caah an Pathian pumsa in a ra mi kha jentail hna sinah an pek. Luke 1:68, Mark 10:33.

( Oneness pawl nih Pathian ah MI pakhat a ti lengmang mi hi a lih a si, MI Pathian or Pathian Minung kan bia bal lo.) Pathian nung pakhat Holy One of Israel Pathian Emanuel kha kan biak. Pathian dawtnak in kan dam a si ah cun a duh ning tein a duhnak hmunah ka va tawn te lai. Credit: Sui Maung

Thawnmgdang Relchap>>>>>><<<<<<<< 8888 Dohthlennak A Dot Dot. 8.8.1988 ah Sandah piahnak in Tuksapur Ralhrang Thahnawn nak cu thla khat chung ah asi.

September 1987: Ralhrang Ni Vung Cozah nih phaisa tlap (100MMK) tampi an thah. Anmah le an minung hna cu phaisa thah hlan ah Bank ah phaisa an I khonh cia. Sianghleiruun Siangnak chia nih Sandah an piah I, 8888 Uprising tiah Vawleipi minthang Ralhrang dohnak le Mipi Dohthlennak ah aa chuak siam ve. Thilman a fak tuk tiah Sianghleiruun nih an rak au lio ah hin Facang pi khat man hi 14MMK asi.

March 12, 1988: Lakphak dawr ah Sianghleiruun le Ralkap hna an I vuak. Ko Phung Mg a thi. Cozah nih dai tein buaibainak phisin piak um loin, ralhrang in an chuak hnawh hna caah, Kawlram pumpi Sandah piah nak ah hmakhat te ah a siam colh. March 16, 1988: Inya Tidil kian, White Bridge (Hlei Rang) pawng ah Palik nih an kah hna. 100 leng an thi. Tampi an tlaih, thong an thlak hna. Cozah nih Sianginn vialte an khar colh. Cu hlei cu Red Bridge thisen luannak hlei tiah min an sak (Nick Name).

June 1988: Ko Min Ko Naing le Moethee Zun te hruainak in Mibupi sandah piahnak an peh. Cozah nih meithal in an kah hna tampi an thi. July 23, 1988: 1962 ah Uknak Chuttu Ralhrang NI Vung cu Ram Luzik le Socialist Party Luzik in aa din. Ni Vung nu an hnu tu in Chakhri tlaih in a uk hna. Ni Vung nih Multiparty Democracy kan dirh piak hna lai tiah a rak ti ko hna nain, Sianghleiruun nih an zumh lo I, an duh ti lo.

Meithal kan kah tikah thli lak ah kah asi lo, Target khenh awk le thah awk ah kan kah tiah Ni Vung nih Radio bia a chim: If the army shoots, it hits; it does not aim into the air. July 29, 1988: Sein Lwin nih Ni Vung rian a chanh. Ni 14 lawng a ṭuan nain mi tampi thattu bak asi. Ni Vung Changtu Ne Win’s successor tiah min na pek nain, a sual bik mi asi.

Aug. 6, 1988: Sianghleiruun Hruaitu Htay Kywe nih Ni 2 chung fakpi in Sandah piah ding in, BBC hmang in Mipi cu a thanh hna. Aug. 8, 1988: Mi thong tampi le mi bupi cu an hung chuak thluahmah. Kawlram pumpi in mipi vialte nih Ralhrang Rallokap cu na rak doh hna. Cuticun Zarh tampi aa peh.

Aug. 12, 1988: Ni 14 lawng a ṭuan hnu ah Sein Lwin cu an phuak. Aug. 19, 1988: Kawlram mifim paza asi mi, Lawyer Ph.D (Haravrd University) Dr. Maung Maung cu Ni Vung nih President a kai ter. Aug. 24, 1988: Rangoon Siizungpi hmai Daw Aung San Suu Kyi bia an chimh ter. Mipi sin ah voikhat a biachimh nak asi.
Aug. 26, 1988: Shwedagon Pura ah, Mipi 500000 leng hmai ah, Daw Aung San Suukyi nih biachimhnak a ngei.

September 1988: Kawlram pumpi cu hmit khawh ti lo in Sandah piahnak aa peh. Rangoon Myodaw Sipin le GAD zung cu mipi an lak, kah hnih I thah nawn nak fak pi in a chuak. Sept. 18, 1988: Ralhrang Hruaitu thar, Saw Maung nih, Rampi uknak a lak I Cozah thar adir. SLOC the State Law and Order Restoration Committee tiah rampi radio in a thanh. Martial Law in ukhram kan thawh ni asi. Kum 25 bak an kan uk kha. MAH hi an mah hrin mi asi.

Sept. 21, 1988: Khin Nyunt Ṭhukhlanzi phu nih sandah piah mi tlaih le thah, thongthlak an thawk. Hruaitu tampi ram ri ah an zam. EAOs ah a lut mi an tam pi.

Sept. 27, 1988: SLORC Ralhrang cozah nih Party dirhnak nawl an pek hna. Das Aung San Kyi nih hruainak in NLD party cu Saw Maung nih a thanh hnu ni 5nk ah an dir. DASSK cu Secretary tu a ṭuan piak hna. Rangoon le a velchum, Kawlram hmunkip ah Campaign tuah in DASSK te an kal.

July 20, 1989: Suu Kyi Inn ah thong an thlak. NLD upa tampi zong thongthlak an si. November 1989: SLORC Cozah Swa Maung nih 1990 election kan tuah lai tiah an thanh. Timhlamnak kan ngeih cang, I timh cio ve uh tiah Party kip cu Radio in an thanh hna.

May 27, 1990: Thimhnak an tuah. Suu Kyi’s NLD party nih popular vote 60% an hmuh in, MP todan 80% leng an hmuh. SLOC nih cohlan loin, Kum 20 leng tiang uknak an pek rih. Credit; Zingtincuai Cinzah

Be First to Comment

Leave a Reply

Your email address will not be published.