Press "Enter" to skip to content

Biden a sung ah cun:Laipa nih Trump cu zeitin hman in ka uar kho lai lo a ti cang hi.

Laimi Mizo Christians nih Khrihfa hmanh ah kan ruah lo mi hna hi RCM an si..Kan aur ngaimi Trump nupi(Melania Trump)zong RCM buu a si;cun,Trump nih Supreme Court ah a thimmi hna Brett Michael Kavanaugh le Amy Coney Barrett hi RCM thiam an si rih.Cun,thiam sang tam deuh nih US President caah an zumh deuhmi hi Biden a si.Amah Pu. Biden zong cu RCM thiam a si ko..

Cun,atu lio i US Vice President Mike Pence khi RCM thiam a si ve hoi..Trump hi Presbyterian buu ka si ai ti..Trump hi ai chim bantuk in Khrihfa diktak si seh law,a nupi (Melania)RCM buu nih Pathian fapa Jesus/ Messiah teloin Marry tu kha Pathian he pehtlaihnak an hman ning hna zoh ah hin zumtu tha cu a si kho men lai loh.

Zumtu tha nih cun an nupi le an fale kha cu anmah zumnak ah khan an hrawmpi hna awk khi a si deuh ko hnga lo maw??Atu tiang hin Trump cu aurnak tampi ka ngei ko nain zumnak lei ah hin Biden nakin a tthat hleinak hi hmuh ding a um loh;Supreme Court caah a thimmi hna khi Khrihfa hmanh ah Lai le Mizo nih kan ruah lohmi hna RCM buu an si..US President i thimmi pu. Joe Biden(RCM member) le Current US President Trump hi Pathian mithmuh ahcun an i dang tuk lem lai loh..

Thawngpang dang zong hi relchap ko:

US thimnak ah nihin ni tiang media kip nih teinak hmu ding in zumh aum biktu Joe Biden nih ram hruaitu upa hna he online biaruahnak a ngeih hna. Hi a ruahmi hna tlangtar bik cu virus zawtnak kongah zeitin rian kan tuan lai i, minung nunnak caah himbawmnak a silai timi an si. Asinain, aa timtuah ning in thil a kal kho tilo caah online tetu in tonnak nawl an pek hi asi. Atangah fiangfai deuh in vun rel. Joe Biden nihcun US President tuan chung aa tim cang nain Donald Trump nih nawlngeihnak a khampiak, tiah thawngpang theih than a si tikah Joe Biden caah thawngchia ngaingai a si rih.

Cun, President Donald Trump nih nihin ni tiang thimnak a sunghnak Swing State hna cu a cohlan khawh rih lo caah a phunphun in rian a tuan liomi cu thawngpang theih peng a si. Thimnak ah teinak a hmutu Joe Biden nih covid-19 rai dohnak ah sibawi pawl he riantuan dingin aa tim nain President Donald Trump nih tuan rih lo dingin a kham. Cucaah, Joe Biden cu Donald Trump cungah thinhung ngaiin a chimmi cu Donald Trump khuaruahning hi hngalhkhawh a har tuk. Trump hi president vialte lakah a rian aa hngalh lo bik president tiin tuanbia ah a taang te lai” tiah Biden nih a chim. Ref: VOA

Relchap ko thawngpang dang zong hi:

Tukum American rampi president thimnak ah a phi chuakmi hi cohlaang ding in tulio American ram president ttuan liomi Donald Trump cu a nupi le a chungkhar hna nih forhfialnak an tuah. A si nain Donald Trump tu nih cun ka sung cang timi hi tuni caan tiang cohlaang duh loin a lam kip in aa zuam peng ko rih, mah ti aa zuamnak ah mi tampi nih cun thazaang kan pek ngai ve hoi!

Donald Trump cu a nupi le a fanu lawng hmanh si loin a nupi pasal (a tupa) Jared Kushner zong nih a sunghnak hi cohlaang ding in an duh piak ngai, a bik in a mah Donald Trump nupi Melania Trump le a fanu hna hrim nih cun mipi hmai hrim khah si lo ruangah sunghnak hi cohlaang ko cang tiah an forhfial len.

A si nain a fanu Ivanka Trump nih sunghnak hi ka pa nih cohlaang cang ko seh ti a duhsak piak lio ah a upa le hna cu a pa lei bak ah an dir tthup ve hoi, Donald Jr le Eric hna nih cun a pa lei kap bak in an dirpi tik ah midang chim lo Donald Trump chungkhar lawng hmanh ah hin Trump dirpi tu le dirpi lo tu ti phun in an um cang.

A fanu pasal simi le Donald Trump ruahnak petu zong simi Jared Kusher nih cun thimnak result kong he pehtlai in Donald Trump he biaruahnak an nei, cu bia ruahnak an neihnak ah cun vote result kong i buainak hi mah nak in ngan ter lo ding le sunghnak hi cohlaang din in a duhsak piak ngai nain Donald Trump nih cun a duh hlei bak ve hoi lo.

Be First to Comment

Leave a Reply

Your email address will not be published. Required fields are marked *