Biden cozah nih phaisa tam tuk an hman cang caah US cozah nih phaisa a cawi khawhmi, [ leiba a ngeih khawhmi ] 30.4 trillion limit cu nizan ah khan a phak cang caah leiba cawi khawhnak nawl House Republican nih an pek ti hna lo ahcun Biden cozah nih US rampi cu bankruptcy tiang a phakpi khawhmi dirhmun a phan.
A ra laimi June 5 tiang i White house le House Republican kap hnih lungtlinnak an ngeih khawh lo ahcun a cozah rian a dir tthup khomi dirhmun an phan. US Treasury Department lutlai Janet Yellen nih cun emergency caah atu tein timhlamhnak kan ngei tiah tuchun ah a chim.
Republican nih Biden cozah nih phaisa tam tuk an hmanmi hi an duh lo. Inflation a kai, US dollar a man an tlak ter. Hmailei tefa hna caah leiba tam tuk chiah tak an duh lo. US leiba 30.4 trillion a phak cang caah a hleihluat in Biden cozah nih phaisa an hmanmi hi tthumh an duh.
White House nih cun US nih leiba a cawi khawhmi limit pin lei tiang in leiba cawi luaimai an duh thiamthiam caah Republican pawl cu an thin a khenh in a khenh hna. Republican nih cun Biden cozah nih rampi phaisa an hmanmi an tthumh le semrel tein an hman lawngah Leiba cawi khawhnak kan karh piak hna lai tiah an ti.
Atu tiangah White House le Republican hruaitu hna an i chawn kho rih lo. White House Press Secretary nih nizan ah a chimmi cu “leiba limit kongah zei bia hmanh kan i ruah kho lo” tiah aa chal. Cucaah Biden cozah nih Republican hruaitu hna biatak tein an i rengh lio a si.
Cucaah, caan a rauh chin lengmang i, June 5 tiang i aphi an chuahpi khawh lp ahcun US nih a caan hman tein a cham dingmi leiba a cham khawh lo pin ah US sipuazi a rawk chin vima lai bankruptcy tiang kan phan kho ti a si. Credit: Salai Lairam Thang
Chinland Le Chin Ralkap. CDF hi Chinland pengkomh (9) fonh in kan dirh tiah cathanh an chuah nain an i funtomnak hmuh ding a um lo ti khawh a si. Mah phu cio tein an dir ko. Hakha lebang cu phu 2 ah an i cheu ti a si. Cun Hakha peng le Thantlang peng ah a Tlang in kan dir rih hoi.
Mah bantuk hi a t’hami a lo nain hmailei ca t’ha tein ruah setmat ahcun a t’ha hrimhrim lo. Felloswhip a tam hmanh a t’ha lo kan ti lio ah Hriamtlai phu chinchin cu chim awk a um ti lo.
Chin miphun nih kan duhmi cu Federal Democracy a si. Kan khelmi zong Federal Democracy a si. Cu caah kan hmuitinh hi zei bantuk ramkhel dirhmun aa thlen hmanh ah kan i tlaih peng a herh. Chinram ah Chin Army pakhat lawng kan herh. Hihi hmailei Chinland ca a si hrimhrim awk a simi thil a si. Ralkap uknak a dih zong ah Chin Army cu a hmun ding a si.
Tutan dohthlennak ah Chin mi tampi CDF min tang ah hriam kan tlai. CNA a lutmi zong kan um len. CNA/CDF min in ral tuk a si. Hlawhtlinnak tampi kan hmuh tikah lung a hmui khun. Asinain tu dohthlennak dirhmun lawng in khua kan ruah sual ahcun hmailei ah kanmah chung lila ah harnak tampi a chuak te kho. Cu caah a tlai hlan ah i siamremhnak tuah hrimhrim a herh cang.
SAC Ralkap teinak lawng ruat loin Federal Chinland kan si te ding kong tiang kan ruah chih ding a biapi ngai. Tutan ah i funtom loin mahle khua, tlang le peng in kan dir peng ahcun hmailei ah fawibai in kan i siamremh kho ti lai lo. Ramkhel boruak ruangah CDF min hrim hman a herh a si zong ah a chunglei in CNF tangah um khawhnak lam tuaktan viar a herh. A si khawh ahcun CNA ah luh kha a t’ha bik.
(chuah t’han khawh a si ko ca) CDF min in kan kal peng ahcun Chinland ah Army tampi um bantuk ah kan i chuah lai i hmailei ah One Commander tangah kan um kho ti lai lo. Tikah mizapi lung aa cheu lawng si loin kan thazaang a t’hawn ding zah in a t’hawng lai lo, chawva zong aa t’hencheu tuk lai. (tutan ah thawhbur aa t’hencheu ning kan hmuh cio lai dah)
Cu caah tutan hrimhrim ah hmailei Chinland kong ruat chih in siamremhnak tuah a herh. Chinland ah Chin Army pakhat lawng a dir awk a si i cu Army cu Chinland Federal kan ngah hnu zong ah a um peng ding mi Chin Army a si fawn lai. Credit: Salai Thawngpi
Kanmah Tei Awk Ah MAH Te Ralhrang Nih An Hman Ding Mi Tactics Thar. Paucan Dohthlennak Tei awk ah MAH te SAC Ralhrang cu 15 January ah Home Affair Minister Soe Htut Hruainak in Nipidaw ah suimilam 8 chung meeting an tuah. Mipi hremh awk ah Biachahnak 33 an ngei.
An Biathli Lenglei a chuak caah, Record Zung lutlai Yehmuchuk Aung Htay Myint le a naule cu an tlaih hna. Khithit Media ah zoh khawh asi. Home Affair Minister Soe Htut Hruainak in tuah mi Meeting asi. Information ah, Mipi le CDF PDF hi a zei lei poah ah kan tei khawh ti hna lo tiah Deputy Minister Khun Thant Zaw Htoo nih biatung a drih. Cucaah cunglei biachahnak 33 an ngei hi asi. Hlan nakin I remh lo nak le I sik nak, lungrual lonak atam chin cang lai.
Social Media ah Mipi le CDF PDF kan tei khawh hna lo, MRTV, MWD tbk mipi zoh an duh lo, Rallokap nih a deu thawngpang kan thlah mi zong an zoh duh lo, a zoh mi zong nih an zumh lo caah tiah KTZT nih a chim. Cucaah Social Media ah Mipi le CDF PDF doh awk ah Planning an ngeih mi tampi lakah a biapibik mi 3 kan langhter lai. Facebook ah ni fatin tein CNA CDF dohkalhnak in can hmangtu pa te btk khi an si te lai.
(1) Man Tampi phal awk ah IT lei a thiam bak mi Hacker kan hlan lai (2) Anmah le mah I remh lo ding le I sik / I doh awk in kan tuah hna lai (3). Paucan Dohthlennak ah an lungdong seh tiah Social Media ah ca tampi kan thlah ter hna lai. 1nk ningin Dohthlennak ah aa telmi hna le a biapibik mi minung hna account cu Hack an si cang lai.
Dalaan kan thah lengmang hna caah, MAH te SAC a ṭanh ti hngalh lo ding in Lungdonghnak cabia an thlah lai. Pau Dohthlennak hruaitu le Ralkap hna thazang derhnak le tlamtlin lonak hlathlai le phuang an I zuam lai. MAH kan tei khawh lo ding kha an phuang lai I an lungdongh hnu ah mipi nih MAH cohlan hna seh ti kha an duh mi asi.
CNA CDF PDF NUG tbk tlamtlin lonak le soisel in can an hman lai, Cuticun mipi an lungdongh seh, Bawmhtu nih bawmh ti hna hlah seh, an thazang der seh, PEACE tuah hna seh, PEACE an duh lo ahcun, an thazang a der lio, mipi nih an dirhkam hna lo lio ah TEI usih ti kha SAC te Rallokap chunmang asi. Hi caah MMK 500 million an hman cang.
CHINMI cu aa lungrual cia lomi le pumkhat asi khawh ballo mi kan si caah MAH caah Nawn ṭha le Vawlei ṭha kan si lo a biapi ngai lai. သူတစ်လူငါတစ်မင်းချင်း Miphun an kan ti cang. Hackers lutlai hna hi a tlawmbik 13 hlan an timh hna. USD 13 million I hman seh an ti, Rangoon ah Ṭai Inn le Condo hna cawk piak an si lai, Cawk piak cia mi an um ti asi.
An rianṭuan mi ngunkhuai an pek lo zong ah kan ngaithiam hna lai, legalization zong kan pek cia hna lai tiah SAC nih an ti. Ramdang in Phaisa kuat mi cu CDF PDF bawmhnak asi tiah kan tlaih dih lai, Hacker le information pektu asi ahcun ngaithiam a asi lai, zalon tein a ṭuan khawh lai tiah Vuanci Soe Htut order in ti asi.
Ralhrang Rallokap nih an planning an thawk hlan ah CHINLAND ah a phun 3 ning tein a tling cang mi a lawh ngai. NUG cu a thangchiat bal hna loin NUG Federal Vuanci Dr. Lian Hmung Sakhong a mualpho bal cang mi (CHIN TUBE Tan lio ah), CNA CDF le upa hruaitu thazang derhnak le tlamtlin lo nak lawng te a phuang I, Nifatin ti awk in cabia in a thlah tu Salai Hnok Tum te pawl khi Hackers ah SAC nih an duh bikmi cu an si.
Kannih kan Salai Hnok Tum cu Rallokap nih an planning an thawk hlan ah Meng thong relcawk lo, hmai ah a kal chung cang. Salai Hnok Tum Bantuk Hackers cu USD 1 million pek asi lai ti asi. Salai Hnok Tum hi Rallokap he an I pehtlaih khawh mi asi. An I pehtlaih lo ahcun Rallokap phaisa dihheu awk kha amah Kawi Hnok nih a khumzual kan ti lai.
Thildang tampi relcawk lo an um ko nain va um cang ko seh, Falam khuachung kahnak kong kan buaibai mi hi lunghrin, Lungvar mansung le Suingun chawva tampi nakin MAH te SAC caah man a ngeih mi asi. Kan kaphnih in kan ngawl lo I hmai kan pahchih ahcun, MAH te caah THO puai le sawmtuk puai tuahpiak bantuk asi te lai. K
ap hnih Upa le nupa / Khua Nupa nih daihter I zuam cio uhsih, Rev. Dr. Pi Pi hna nih Kap ṭanh in ca ṭial le bia thlah ti hlah usih. A tu kan buai I thanhca kan I chuah hnawh cio hi za rawk sehlaw, pahchin ti hlah usih, Fans asi mi Falam le Hakha – Ttl zong PEACE bia lawng thlah I zuam usih,
Hmai kan nawr rih ko lai, tiah a hlan nak in zual deuh in cabia nan thlah / kan thlah rih ahcun Raldoh loin I ngawl hmanh a ṭha deuh men lai a ti tu an tampi cang. Unau aa rem lomi cu Ral an tei ballo. Unau I remh hnu ah Raithawinak ah ra uh tiah Ralkapbu Bawipa nih ati. Pathian nih a cohlan lomi Unau I remh lo nak he MAH thluk khawh asi lo, Keimah nakin nan hngalh deuh.
4 cuts timi phiat 4 phiat cu hlan lio nakin fak deuh in an hman rih lai (Eidin tirawl I zalh cia ding), Vanlawng kahnak a fak chin lai (bomb khur ngei cio ding, NU an tlai mi cu a buin tlaihrem ding ah nawl pek an si cang. Tehte: 20 Jan 2023 Bagan Nyaung Oo ah NU 10 cu PDF minung nan si tiah an tlaihrem hnu ah thong an thlak hna. Aa tel ve mi Ralbawi 3 hna cu Naung Min Latt, Myo Nyo, Tin Tun Aung hna an si.
An hlawhtlin ngai mi peh ṭhan awk ah an I timh mi cu, mah le mah elh ter le sik ter mi asi. Cutin si khawh ding in bia kan tuh hna lai, fb le social media ah ti asi. Hihi Salai Hnok Tum le Falam kahnak kong ah buaibai nak nih 100% a hlawhtlin ter cang Unau hna, Zeitin hmai kan kal khawh lai nan ti cio maw? NUG minung ah Hackers le Spy tampi chiahcia mi an um bantukin tampi thlah chap ding ti asi. Tehte: Irene, Ma Swe Moe (Korea), Rosy (Tleicia). Crd; Saya H. Rung Kaw
Be First to Comment