Press "Enter" to skip to content

Biden nih:Riantuan an tim ning cu’Trump nih a tluk kho bak tilo.

Joe Biden nih kut cung i nawlngeihnak an pek hmasat hnuah a tuah hmasak dingmi cu America mipi hna cu ni 100 chung mask i vuah dih dingin nawl a pek hna lai tiah cacawnni ahkhan a chim tiah theih a si. Hi ti ning ten a cawlcang taktak ko ahcun America mipi caah hlawtnak tampi a chuah lai tiah zumh a si.

Joe Biden nih COVID-19 zawtnak hrik a karh lonak hnga caah mask i vuah lo hrimhrim um lo ningin nawl chuah dingin nawlnak a rak tuah bal cang i Trump tu nih cun Mask vuah hi santlaihnak a ngeimi ah a ruat loh. Mask i vuah le vuah lo kongah Joe Biden le Trump hmuhning aikhat lo taktak.

Joe Biden a rianṭuanning le cawlcangh ai timhning cu Donald Trump nih acozah a tlaih chung COVID-19 zawtnak kong he pehtlai in a cawlcanghning nakin ṭhatnak tam deuh a chuahpi lai ti hi mipi zong nih an zumh deuh cang. Thiamsang hna nih Mask i vuah hi COVID-19 zawtnak chungin i kilvennak ṭha bik le a fawi bikmi a si tiah an chim ve. Atu tiang ah US ah COVID-19 ruangah a thimi hi minung 275,000 fai an um cang tiah theih a si. Chirhchan: VOA Burmese (TP)

Thawngpang dang zong hi relchap ko:

Donald Trump hi alungdong pah ko cang rua, Joe Biden nih teinak ahmuh tiah langhter lulh asi cuahmah lio ah Trump nih atimi cu a ralaimi kum 2024 thimnak zongah i zuam tthan khawh asi ko tiah a chim. Theihcio bangin US president thimnak ah ningcang loin thil aum tiah an ti ruangah Trump lei hna nih lawsuit an tuah cuahmah liopi asi. Culawng siloin martial law hman maw asiloah thimnak tuahtthan dingin kar an hlang.

Thimnak konghe pehtlaiin Donald Trump cu minute 46 tluk asaumi video alanghter. Cu ah a chimmi cu thimnak ah teinak ka hmuh komi cu lih le hrokhrawl in an ka chuh tthan tiah a chim. Tutan zuamcawhnak ah hin teinak ahmu lo khomi asi ko. Sihmanhsehlaw president termkhat lawng ttuan hi cu kai tim lo tiah White House Christmas party an tuahnak ah a chim.

Kumpi kum li cu caan kan hmang i, kumli dang hmantthan kan duh, kumli hnu ah kan hmuh tthan hna lai tiah a chim. Tutan ah Donald Trump nih mah bia a chimmi hi thimnak result kongah thlapa thlakhat chung an buai hnu ah teinak ka hmu lo timi bantukin bia a chim avoikhatnak bik asi tiah an ruah. Vote a buainak hmun le hma vote an reltthan mi zongah Biden nih teinak ahmuh tthan hna.

Hi konghe pehtlaiin Attorney General Bill Barr zong nih atimi cu Justice department zong nih thimnak ah hlennak maw vote ningcang loin a um timi hi tehte zeihmanh an hmuh lonak kong an chim tiah a ti. Hi an buailio caan ah Joe Biden cu president si dingin rian attuan cuahmah lio asi i, New York Times nih biaruahnak an ngeihlio ah rampi sipuazi tharchuah ka timh, America ah investment tuah hmasa dingin asikhawh chungin ka ttuan lai tiah a chim.

Donald Trump cu thimnak tuah hnu cun mipi hmuh ah alangtuk tilo, Minung tlawmte hna he meeting an tuahnak lawngah amui ailangh cang ti asi. A um hmun thimnak kongah alungtlin lonak tete tu a vun langhter lengmang i, teinak ka hmu lo tiah asung akhan kho rih lo. Thimnak hi ningcang lo bak asi ko timi hi hopaoh nih an theih dih mi asi ko. Statistics in tuak ahcun teinak ahmu lo dingmi ka si lo tehte tampi kan ngei tiah a chim.

Trump dirkamhtu hna nih cun atuhi rian an ttuan cuahmah lio asi rih i, Michigan State legislature sin ah Trump lawyer Giuliani zong nih vote ningcang loin a umnak kong zong a chim. Cun Georgia zongah Trump campaign he pehtlaihnak angeimi Sidney Powell zong nih rally atuahpi hna nih kan vote hi rel a si ve lo tiah achim ve rih. Asinain US Attorney General Bill Barr nih atimi cu tutiang ah hin hlennak maw ningcang lo aum timi hi theih asi lo tiah a chim.

Tutan thimnak konghi abuainak a sau chin lengmang caah buainak pakhat pakhat tel cu a chuak te ko lai tiah an chim. January thla hramthok ah tuah dingmi US Senate seat pahnih thimnak cu Georgia ah hin Trump biachimmi pawl cu thinphan ngaingai asi ko cang tiah an chim, Election officials hna caah thaazaang chuahnak zong a chuak khomi asi tiah an chimcaih len.

Voting System manager Gabriel Sterling nih a timi cu pakhat khat cu atuar lai i, pakhat khat cu kah asi lai i, pakhat khat thah asi lai tiah a chim. Hi konghe pehtlaiin Three-star general minthang pahnih hna nih an timi cu Martial Law thanh law ralkap i hruaining tangah thimnak tuah tthan dingin Trump cu an chim cang, Hi chungah hin National security adviser tthing Michael Flynn zong ai tel ti asi.

Be First to Comment

Leave a Reply

Your email address will not be published. Required fields are marked *