USA rampi President thimnak result cu ramchung media kip nih an tarlangh cio cang. Joe Biden nih a tei tiang lunglawm taktak in langhter cio asi.
Joe Biden nih President teinak a hmuh caah Vice President ding ah aa thim mi Kamala Harris nih America tuanbia thar a hun tial hi asi. USA tuanbia ah a pakhat nak bik Nu vice President sinak, Minak nu le South Asian American chung in a pakhat nakbik Nu Vice President sinak tuanbia a tial hi asi.
America tuanbia zoh tikah Nu nih rampi Vice President an ttuan bal lo, cu pin ah Minak nu chung in Vice President a ttuan mi an um bal rih lo bantuk in South Asian American minung chung in Vice President a ttuan mi an um bal rih lo, Kamala Harris hi a pakhat nak bik a si tiah ABC News nih a tarlangh hi asi.
Kamala Harris cu Kahpia, India le America thisen aa chawh mi asi i a mah Vice President dirhmun a phak cu India le America karlak pehtlaihnak zong a that chinchin zumh a si.
Tutan result cu Media kip nih phuan le tarlangh a si cang, a si nain White House lei in official phuannak, statement ti bantuk tucu zeihmanh a um rih lo. Donald Trump nih result a cohlang kho lai maw timi zong a fiang rih lo.
Be First to Comment