Press "Enter" to skip to content

Biden vun Dironh dingin Trump nih Thursday ah Mipi (Town Hall Meeting) Tonnak a Tuah lai, tiah NBC nih a Chim

Biden vun Dironh dingin Trump nih Thursday ah Mipi (Town Hall Meeting) Tonnak a Tuah lai, tiah NBC nih a Chim
==================================================================================
A hlankan tein an i tinh ning tein, Thursday zan i tonnak tuah an i timhmi ah hin Trump nih Biden hi stage pakhat cungah a tong in debate a tuah lo kho men. Asinain khat le khat an i dengteu in debate cu an tuah thiam ko lai.

Thursday zan 8 pm Estern time ah khin Miami in lenglei i mipi tonnak style in Trump biachimmi cu kanmah NBC News nih thawngthanhnak (broadcast) kan tuahpiak lai, tiah Wednesday ah khan NBC News nih namhnehnak a tuah cang. Florida ah a ummi voters pawl nih capaar in an ap cangmi biahalnak (questions) pawl Trump nih a lehnak a tuah te lai.

A ni thla tuk cia a si bantuk tein, Biden zong cu Philadelphia ah lenglei i mipi tonnak style in cu ABC nih direct in thawngthanhnak a tuahpiak ve lai. An tuah caan hi zong ai khat lai.

Biden nih mipi tonnak ngeih ai timh hi kan hnung zarh tein khan khaan cia a si. Covic nih Trump a tlunh hnu khan cun, avoihnihnak debate hi cu hmunkhat ah tuah ti lo in, Computer (TV) hmaika veve tu in debate tuahter hna ah a tha cang lai, tiin khuakhannak an ngeih mi cu Trump a hnonpiak hna caah, debate tuah te dingmi ni le thla tiangin an leet (cancel) phah bal.

NBC nih thawngthanhnak tuanvo a laknak hmun ah hin “Today” show host a si mi Savannah Guthrie nih Moderator a tuan lai. NBC hi Trump campaign a dirhthohtu ngai a si i, Trump nih hin anmah NBC riantuantu siseh, voters pawl siseh, Ms. Guthrie telh chih in, ahohmanh hi Covid a chonh hrimhrim hna lai lo, tiin anmah ko tho tein a chim nganmi an si.

NBC town hall hi ngandamnak lei tuanvo a latu officials si hna seh, cun National Institutdes of Health i clinical director a si mi Clifford Lane hna nih an chiahmi zulhphung (guidelines) ningtein tawlrel a si ko lai, tiah Wednesday ah “Today” show ah NBC biachimtu Craig Melvin nih a chim.

P.C.R test telhchih in, Trump a ngandamnak he ai pehtlaimi medical data hi thatein ka zohfel dih cang. N.I.H nih a fawkkhomhmi le thatein zohfelnak (analyze) a tuah cangmi chirhchan in an lakmi data an si. President nih hin Covid virus hi a tei kho taktak rih lo, ti cu ka chim ngam bak, tiah Dr. Lane nih a chim.

P.C.R test an tuahmi ah Trump hi Negative a si cang, tiin fiangtein NBC zong nih a chimmi a um rih lo. Ni hnih thum cu a rau cang ko nain, Trump a ngandamnak kongkah ah amah Trump lila siseh, a riantuantu hna si hna seh, cun anmanh NBC upa pawl liala zong nih mipi sinah nihin tiang bia fiang an chimmi a um rih lo.

Trump nih a kiangkap minung zong a chonh bak ti hna lai lo, ti mi tehte a um lo ah cun NBC nih kan tuahpiak dingmi tonnak event hi kan leet than lai (cancel), tiah Tuesday chunhnu ceu in khan NBC nih timhlamhnak an tuah ceu khi si.

Thursday i mipi (town hall meeting) tonnak an tuah dingmi cu Miami ah a ummi Perez Art Museum a lenglei tual ah si lai. Mipi pawl hi Mask i hruk viar dingin kan nawl hna lai, tiah NBC nih a chim. Ms. Guthrie le Trump hi pee 12 i hlaat in kan thutter hna lai, tiin an chim.

Avoihnihnak debate tuah dingin khuakhaanmi Trump nih a cohlan duh lo hnu khan, Trump campaign hi mipi he tonnak kan tuahpiak ah a tha lai maw, tiin NBC officials pawl khuakhaannak an rak ngei bal. President a ngandamnak kongah leileng in a ra mi tehte kan herh, tiah a hramthok ah khan cun NBC nih a rak chim bal.

Asinain, zeibantuk test an tuahnak a phichuak set cu dah tehte ah an herhmi a si, timi kongah NBC nih bia fiang an langhter lo nain, White House sibawi Dr. Sean P. Conley nih a chimmi vial lawng cu za ah za khat in kan i rinh ngam lai lo, tiin an langhter ve. Coronavirus test

Dr. Conley nih thawnglatu hna an bia a leh ti hna lo hi zarh khat a leng ti lo. Trump hi a kuah chung vialte kha test kan tuah tikah, a tu hi negative a si cang. Coronavirus test cu a cungah khulrangtein kan tuah caah a si, tiin Monday ah khan Dr. Conley nih a chim. Asinain, Trump hi virus in a thiang taktak le thiam taktak lo, timi theih khawhnak dingah cu ti test an tuahmi a dik taktak le dik taktak lo dothlat a um rih lo, tiah expert pawl nih ralrinpeknak bia an chim.

TV in a zohtu dingmi mipi tampi hmaka i Trump nih a dirhmun a vun sersiam khawhnak dingah tutan NBC event hi a caah cun a donghnakbik a caantha pakhat bantuk a si. MSNBC le CNBC zong nih thawng an thanhti lai i, Biden nih mipi tonnak a tuahmi event nakin a sangdeuhmi Nielsen rating (TV in a zohtu American mipi an tamdeuh lai, tinak a si) ai ngeih khawh lai, ti a lang.
Hmaizarh Thursday (Oct. 22) ah khin a donghnakbik debate tuah dingin ni thla an tuk cang i, a hmun cu Nashiville ah a si lai i, NBC News biachimtu Kristen Welker nih Moderator a tuan lai. Chelsea Bawi

Be First to Comment

Leave a Reply

Your email address will not be published. Required fields are marked *