Press "Enter" to skip to content

Bochuk Aung San Hi Chinmi A Si Tiah Dr. Salai Tun Than Nih A Chim (+VIDEO)

Bochuk Aung San hi CHIN Asi Ahcun CHIN nih Kawlram Voi3 Kan Khumzual Cang. Bochuk Aung San Hi CHINMI Asi Tiah Dr. Salai Tun Than Nih Ati. Uk Sang tiah amin ka tial cang lai. A fanu min zong Pi Suu Ci asi. (1) Vandolla nih Kungbon Kawl ram SPH pennak a khumzual. Kawl SPH nih Assam an tuk i an va lak lio ah Mizo Chin pa an i hruai. Amin Van Dolla asi.

Kawl nih amin an chimh thiam lo caah Bandulla an ti. Maha Banduhllah tiah asi lan. (2) Uk Sang kong cu chim herh asi lo. (3) Capt Thai Cawn le CHIN rifles phu nih Kawlram cozah an khamh hna. Insein cozah lawng ti cang mi cu CHIN ralkapbu nih ral an tei piak caah, Kawlram Democracy Cozah U Nu nih a tuah khawh.

Uk Sang Pa a min Sihni U Pha timi kha kawl min asi lo tiah Natmaut velchum um, ASHO CHIN kip nih anti mi asi. An tuanbia ah aum. Mithiang Paul cu Judah zong asi, Rome zong asi bang in Citizenship pahnih ngeih Uk Sang asi ko lai hi ta.

MAH le Ralhrang Rallokap nih cun Kanmah kan Pu tiah an ti hoi. Kawlram ah atlangpi in miphun (3) lawng kan um. Rallokap miphun, Kawlte Democracy miphun le Tlangcung mi Federal miphun hna kan si.

Uk Sang cu Rallokap le Kawl Activists hna nih an i cuh. Uk Sang Fanu Pi Suu Ci an ngei. Uk Sang cu Rallokap miphun le Pi Suu Ci miphun kawlte nih an i cuh.

Uk Sang kawl asi lo ahcun; a fanu Pi Suu Ci cu CHIN bak hmete. Uk Sang le a fanu hi an miphun CHIN an zah pi caah, an i phuang ngam lo caah an chan a tawi, khua awng an tawn ballo asi hnga maw.

Kawlram ramkhel le Kawlram NUPA asi mi ah CHIN lawngte kan si nain, NUPA ngeih lo le khumzual tu ngeih loin kum 80 deng kan um cang ko tung. Credit; Joseph R. Thang

Video Link>><<https://www.facebook.com/100077794744517/videos/1070556300541786

BAIBAL THEIHTLEI 333. Khamh Co le Khamh Fian Cu Ai Khat Lo. Johan 20:31 = Hi thil lianngan a tuahmi hna ka tialnak chan cu, nannih nih Jesuh cu Messiah, Pathian Fapa asi ti kha nan zumh i cu nan zumhnak thawng in amah min in nunnak nan hmuh nakhnga caah asi. 1Johan 5:13 = Pathian Fapa a zummi nih nunnak kan ngei ti kha nan i hnglah khawh- nak hnga hi ca hi kan kuat hna.

Thantlang kan um lio ah vawi khat cu Yangon in Bohthaw Baibal sianginn sayakyi Rev. Hau Lian Kham le a sianghngakchia pawl an kan tlawng. Rev James Biak Lian cu kan innah a kan tlung i Rev. Hau Lian Kham tu cu Pu Thla Awr te inn ah ai thum. Ai manh liote ah ka va leeng i bia ka hal.

“Sayakyi, zeitikah dah na pianthar?” ka ti. Aka lehnak cu: ” Kannih unau rual cu kan no lioten ka nu le ka pa nih thawng tha bia an kan chimh lengmang caah ka hngakchiat lio in khamhnak cu ka co tiah ka ruah. Kham kai fian belte hi Tidim i Baptist Church i pastor ka tuan hnu ceu ah asi,” ati. Cu a bialehnak nih khua a ka ruahter. Khamh co le khamh fian hi ai dang dah mu tiin.

Hakha ah kan i thial i pastor ka van tuan. Kan um hnu tlawmpal ah Sayamah Bawi Cin Pa ( Pu Hrang Nawl) te chung an van i thial ve. Pu Hrang zong phung a chim len cang. Amah ai thial hnu ah Thantlang peng i kan pa hmasa cem Rev. Van Lo zong Hakha ah a van i thial ve. Pu Hrang nih cun apa Rev. Van Lo cu ava leeng i Khrih thisen kong a va cawnpiak.

Mah hnu i kan pa Rev. Van Lo nih bia a chimhmi cu a ka chimh chin. Hitin ati: ” Ka fa Nu Bawi pa, cutluk kai lawmh cu dah. Cuhlan i vancung kai kai timh dan cu rangtum mei i tlaih i chokai mi ko ka lo. Atu Jesuh thisen i tlanhnak na van ka theihter hnu cun aw rangtum mei kai tlaih ti loh, a cungah kai cit cang le a nuam tuk cang ai.” Mifim le thlaraumi ciammam.

Pu Hrang i a chimh hlan khan kan pa cu a lung ai thleng i Jesuh Khrih a zummi asi caah khamhnak a rak co ko cang. Asinain khamh a van i fian cu a fapa Bawi Cin Pa nih a chimh hnu in asi. Hi kong ruah set tikah khamh co le khamh fian cu ai khat lo ti a fiang.
Kan Lairam ah Pathian a um ti le Jesuh Khrih cu misualmi kan caah a thi i a thothan ti an rak theih tikah kan pule le kan pile zeimawzat nih an lung an i thleng i tipil an ing i khrihfabu ah an lut.

Mah hna kha Jesuh cu Pathian Fapa asi ti le Messiah ( Khrih) asi ti an zumh paoh ahcun Johan nih a ti bang NUNNAK an co ko lai. Asinain Rev.Hau Lian Kham le kan pa Rev. Van Lo bantuk in khamh an rak i fiang ve lo. Khamh fian cawnpiak cu kannih Lairam ah cun kum 1971 le 72 hrawng in ai thok ti ning law ka palh tuk lai lo.

Falam, Hakha, Matu le Thantlang peng ahcun Evangelist Phun Uk, Pu Lian Bik le Pu That Nuai te hna nih khamhnak thawng tha biatak le hrinthannak hi an rak aupi hmasa bik. An pathum tein Zahnak tlang lawngte an si. Cun Mirang ca rel kho le chim kho zong an
si pinah cozah rian tuan an rak si fawn.

An chim hlan deuh ah Rangoon ah Rev. Myo Chit le U Tin Maung Thu le U Aung Hlah te pawl nih khamhnak ( hrinthannak) hi an rak aupi len cang. Evagelist Phun Uk cu kum 1972 hrawngah Rangoon zongah hrinthan kong hi arak aupi cang. Acunglei Pathian bia ka tarmi hi thaten rel hmanh.

Johan nih Johan thawngtha cauk a tial cu Jesuh kha mi nih kan zumh i cu kan zumhnak thawng in NUNNAK kan co nah hnga tinh in a tial,Johan 20:31. Asina-in Johan thiam nih Johan cakuat pakhatnak a tial channak cu Pathian Fapa a zum cangmi nih zungzal NUNNAK kan ngei ti kan i HNGALHNAK caah a tialmi asi, I Johan 5:13. Khamh co cu vancung luhnak caah asi i khamh fian cu teinak nun ngeihnak caah asi.

Kei zong hi kham ka co hnu ah voi tampi biatak kongah ka buai tawn. Keimahte i Baibal study cauk ka relnak, midang cauk ka relnak, Pathian mi hman hna an phungchim ka ngaihnak, mekazin phunphun ka relnak le a lang i cawnnak Baibal sianginn i kum thum biatak thlak i ka cawn hnu ceu ah khamh co le khamh fian a dannak hi ka lung a pem ve. Hlan ahcun ninghngal ngai in bia chim hna ka rak hmang.

Khamh ai fiang lomi, Pathian mi an si lo ti tluk in kan rak ruah sual. Biatak a dirpitu khrihfabu le Baibal sianginn tampi nih cun khamh co le khamh fian hi thaten an cawnpiak hna. Khamhfian nak kong hi cu khrihfa nun an cawnpiak tikah a hmasa bik ah an cawnpiak tawn hna.

Nihin i ka van tialmi hi biatak thleidan thiamnak caah a herh tukmi asi. Careltu dihlak kan i fian khawh nak lai Thiang Thlarau nih lam kan hruai ko seh.. Amen!! Nan hawile share ve hna u. Bawipa riantuan phun khat asi. Credit; Thio Za

Be First to Comment

Leave a Reply

Your email address will not be published.