Press "Enter" to skip to content

Bomb Puak Ruangah Hngakṭah Ngakchia Kum 1 Te Nih A Mit Pahnih, A Ke Pahnih Le A Kut Pakhat A Can

Kan dung October 24, 2021 zinglam ah nulepa nei lo hngakṭah nauhak pathum cu Sagaing, Monywa lamzin kap ih hnawmhne an hawl rero laitakah bomb a puak thutthi ih nauhak pahnih cu a hmun ah an thi cih.

Bomb puak hi a na tuk ruangah a kiangih um nurse tlawnginn le thlaicinnak zung khal a siatsuah thei. Zoin bomb an kam ti cu an theifiang hrih lo. Nauhak kum 1 mi cu bomb puak ruangah a mit pahnih, a ke pahnih le a kut pakhat a can ih a taksa parah hliamhma nasa zet a tuar.

Monywa siizung ah an tuamhlawm lawk ih a hliamhma tuar hi a nasa tuk ruangah Mandalay siizung ah an thawn. Mibawmtu U Nyan Min Tun in “Nauhak te in nulepa anei nawn lo. A hliamhma pawl tuamhlawmnak ding sumpai khal aum lo, siizung ah umpitu khal anei lo. Curuangah mibawmtu pawlkom in kan buaipi rero lai” a ti.

Lainat um zet nauhakte hi a thuhla theifiang duh & bawm duhtu nan um asilen U Nyan Min Tun, phone number 09-262333355 ah nan pehtlaih thei tin an tarlang. Meifar

Be First to Comment

Leave a Reply

Your email address will not be published.