Press "Enter" to skip to content

Breaking News; A Poi Tuk Hringhran Myanmar Ralzam Minung 14 Cu India Cozah Nih Kawlram Ah A Kuat Tiah theih a si

Myanmar Ralzam Minung 14 Cu India Cozah Nih Kawlram Ah A Kuat

Ralkap uknak tangah riantuan duh lo ruangah ralzam dir hmun in dornak a kawl tu Myanmar rammi minung 8 a tlawmbik cu Delhi cozah nawl pejnak in ramri hngak Assam Rifles pawl nih Kawlram ah an kuat than hna tiah theih a si.

March 15 ah dornak kawl in India ram i a rak lutmi Myanmar ralzam pawl zong kuat mi ah an i tel tiah Farkawn khuami upa pakhat nihcun ” India ram ah March 15 ah ralzam lut myanmar ralzam minung 14 hna cu ramri vengtu Assam Rifles pawl nih myanmar ram ah an kuat hna” tiah a chim.

Myanmar ram i kuat mi ralzam pawl hi mi zei an si,ralkap le palek zam maw an si cozah riantuan dah an si ti theih a si lo ralkap kut ah maw an pek chan hna maw pe chan hna lo ti zong theih a si lo.

Ramri hngak Assam Rifles nihcun India ram i a rak lut Myanmar ralzam hi minung 264 hrawng an si tiah record an tial i cu lak ah cheu li ah cheuthum cu palek le ralkap an si tiah theih a si.

India ram i a lut mi myanmar ralzam pawl hi mizoram cozah nih cun tha te in a cohlan nan Delhi i a um mi Minister of Home Affairs Amit Anil Chandra Shah nihcun ” Myanmar ramri i a um Mizoram, Arunachal Pradesh.Nagaland, Manipur cozah pawl nih kan ram chungah Refugee lutter nak nawl an ngei lo ” tiah Hindu sinah a chim.

Aljazeera

Be First to Comment

Leave a Reply

Your email address will not be published. Required fields are marked *