Press "Enter" to skip to content

Breaking News: Amen, Ka Thilrit a zaang Deuh, Ralhrang rual nih anmah duhning in an sermi 2008 phunghrampi cu CRPH nih a hrawh ruangmang cang.

CRPH Nih 2008 Phunghrampi Cu A Hrawh Ruangmang Cang
===========================================================

Vawleicung zei bantuk ram hmanh nih an hman lomi, a um hrimhrim a um bal lomi, democracy phunghram ti tung i ralkap nawlngeihnak tam tuk aa telmi, ralhrang rual nih anmah duhning in an sermi 2008 phunghrampi cu CRPH nih a hrawh ruangmang cang. March 31, zaan ah CRPH nih a thanh cang.

Hi phunghrampi ruangah kan ram a thangcho kho lo. Ralhrang, ram-ui rual nih duh poah in uknak ah an i tel, an i thlak. An duh caan ah an hman, an duh lo caan ah anmah nawl in an merh thulh.

Thein Sein cozah le tlangcung hriamtlaibu hna an i tonka, 2012 lioah CNF nih Chin mipi sinah 2008 phunghrampi kongah ruahnak/hmuhning halnak (public consultation) an rak tuah. Hi phunghrampi hi remh ah maw a that deuh, hrawh i a thar tuah lawlaw dah ti a rak si i tam deuh nih a thar in tuah kan rak duh.

Kum 2015-2020 NLD cozah nih remh aa zuam lengmang, tlangcungmi zong nih remh le thlen an i zuam peng. Asinain ralhrang rual hna nih an kham peng ve.

Sihni minthang U Ko Ni zong kha ralhrang nih 2008 phunghrampi ruangah an thah ti khawh a si. Kum 2008 phunghrampi remh, asiloah hrawh i a thar in ser ding hi U Ko Ni nih a rak aupi lengmangmi a si.

Hi tlukin kan ram politics le uknak ah hna a hnokmi 2008 phunghrampi cu CRPH nih a hrawh cang. A rauh hlan ah cozah thar a dir lai, phunghram thar a chuak lai i ralkap thar kan hmuh cang lai.

Crd: Chin Post

Be First to Comment

Leave a Reply

Your email address will not be published. Required fields are marked *