Breaking News; CNA, PDF, CNDF, CDF KKG Pasaltha Hna Nih SAC Ralkap (7) An Thah Hna, Atuhi An Ikah Cuahmah Lio A Si

Breaking News; March 31, Tuingo khua PDF, KKG, CNDF le CNA nih ralhrang he an i kap cuahmah tuhi, 4:00 Pm (local time) tiangah ralhrang 7 kan thah cang hna an ti. Mipi ralkap nih an tei ngai hna ti asi.

Tuhi ralhrang nih helicopter he bomb he an kah len ve hna ti asi, thlacamnak in bawm cio hna usih. Credit : Chelsea Bawi

Laimi hrawktu Pastor. Kan pu le chan lioah cun a nunnak in Pathian rian an rak tuan. Zumawk an rak tlak i Laimi zumtu ah tampi an rak ser khawh.

Ka pa le chan ah cu keneh cu tlawmte rawh hram aa thok. Zumnak lei in an kan buaiter i pumpak miaknak lei ah tlawmte aa mer lawng si loin Zumnak ah tam lak te an kan then i Bu a hung karh.

Kan u le chan ahcun chan har ah a hung phan i pastor vialte an rawk dih cang. Pathian rian ngaingai tuak ti loin ramdang kalnak le pawcawmnak leiah an i mer cang.

Hakha cimh lioah Phaisa mah vialte an vaivuanh dih. Atu tiangah zei chauhpi le bawmchanh ngaingai tiah rian an tuanmi kan hmu lem lo.

A tu ah a si hoi. CBCUSA nih10 millions project an ti i tlang an au hoi. Zapi kan i ruahning in thil a kal lo. A dik lo ning le cohlan khawh lo mi rian tete an thawng kan theih hna. Khual tlawnnak hmanhah hi vialte an dih ahcun… Va um rih seh.

A tangmi Phaisa leng luang Khui ah dah a kal te lai ti ruah tikah… Khat lei in dinfelnak le Jesus nun a kan cawnpiak ko nain khat lei in kan caah thih si a cing mi an lo ko lo maw timi khua ka ruah a tlawm ti lo.

Kan miphun caah ral lianpi kan doh lio a si. Kan techin fapar le lei lung hmunh chung Laimi caah a si. Cu ahcun Phaisa tampi a herh lio caan hi ti hin pastor te nih phaisa lei he pehtlai in kan lungthin nan kan vaivuanh dih ahcun a zei cu he kan in bochan khawh hna lai.

Pastor min pu pakhat hnih ruangah pastor vialte kan in zohchih hna cu kan mawh hle… Crd: K.r Cung Tha

Adang; Chin Mipi Nunnak Khumzual Khawh Tu An Um Khawh Ti Lo Maw. Nihin Khuafo Kan Unau cu Kawlte Ralhrang nih CNA le Chinmi an lungfak seh tiah an kan tuah hram mi asi. CNF le Chinmi cu MAL le Ralhrang an ral nganbik kan si cang kha kan hngalh cio awk asi.

Chinmi le Chin Khua vialte a luatmi kan um ti lo. An duh can poahah Khuafo bantukin an kan tuah khawh mi asi caah Fimkhur tein le ralrin tein um cio awkah le Himnak caah Pathian sawm buin Bomh khur ngei cio usih.

Chinmi kan him khawh nak hnga, Vanral vennak le Vate reu si ternak vanlawng kahnak cu Dr Sa Sa le NUG nih kan cawk cang an kan ti nain Kawlte vennak ah Kawl PDF sinah an chiah rua ka ti. Camp Victoria an kah lio ah hman awk kan ngeih ti lo.

Vanlawng kahnak telin MAL te Kawl Ralhrang Rallokap tei awkah CBCUSA nih an kan cawk piak lai tiah kan I ruahchan. Rianṭuantu hna rian ṭhiamlo ruangah le Popular / Credit duh tuk ruangah Meihol ah aa cang dih cang.

Cep cawk lioah A lu lei to hlah meihol ah aa cang lai kan ti hna nain nominate committee le Dr. Rollin Van Bik te nih a lu lei ah vang I kar in an to caah Meihol ah aa cang dih cang. Kawlte Ui hrang nih duhpoah in Jet Fighters in an kahthat nain I vennak le kahthlak nak Hriam kan ngeih ti lo.

Phaisa relcawk lo kan ngeih ko nain kan ti le kan ngaihchiat le lungfak hi a zual khun ko. NUG le Dr. Sa Sa kan bochan ti hna lo. CBCUSA nih Hri Ee kutin Palo bangin an kan khamh lai I an kan khumzual lai tiah mipi nih 100% bakin kan in zumh hna, kan in bochan hna nain, USD million tampi cu nan kut ah nan thuh ter dih ko.

Chinland cu MAL nih an kan ral I cihmih le thah dih awkah an kan timh lioah Kawlram ah NUG nih raldohnak nan tuah ve lo caah CHINMI kan thi khun. MAL nih Zinan le Dollar tampi a ngeih ti lo. Kawlram ah NUG nih Chinland Bantukin Raldohnak fak piin nan tuah ve ahcun Vanlawng in kah cawk kan si ti lo.

Vanlawng voikhat kah ah USD nuai 5 – 1 million a dih caah, Vanlawng in an kan kah khawh ti lai lo. Cucu NUG nih hngalh buin Kawlte umnak ah raldohnak an tuah ti lomi a chan an um el maw? KIA, KNU nih PEACE tuah bantuk Raldoh bantukin an um caah le MAL nih a ṭih hna caah CHINLAND bantukin a doh ti hna lo.

Karenni Sakai Makui hnarcheu le Chinland lawng hi thah zungzal kan si cang ko lai. Ralram ah Vanlawng in SAC nih an kah ahcun Kan tiram le thingram ruangah an hlawhtlin lo caah Khua mi hi an kan kah dueh cang ko lai hmai lei zongah.

Hodah an kan khumzual lai I kan bochan lai? NUG le CBCUSA nih an I silhnalh cang fawn le. Chinland Club nih le a aw puam tlukin thil an ti kho lo. Chinmi nih kan mah tein Vanlawng kahnak le hriam phuntling kan I cawk khawh ko I Phaisa tampi kan thawh ko nain kan cawk khawh lo i kan I ngeih khawh ti lo.

Hi ruangah mipi kan ngaichiatnak le kan lungkuainak a zual chin mi hi asi. Rungtlang lei ah kan cuanh I CHINLAND bawmhtu cu CBCUSA le NUG sin in a ral lai tiah Dr. Sa Sa le CBCUSA Dr te nih nan kan ti nain mu.

Khuafo bantukin an kan tuahto khawh ti lonak hnga, Khumzual tu le Teirul chamh piaktu ahodah asi kun lai? By- Joseph R Thang