Press "Enter" to skip to content

Breaking News; Depeyin Peng, Khua Pakhat Ah SAC Ralhrang Nih Helicopter In An Kahdoh Hna

Breaking News: Depeyin Peng, Aungsiime khua kiang in SAC Ralhrang nih Helicopter in hriamngan an hman i, an kahdoh hna. Sagaing ramthen, Depeyin peng, Aungsiime khua kiang in SAC Ralhrang nih Helicopter in hriamngan an hman i, an kahdoh hna tiah khua min pakhat sin in theih a si.

December 7, 2021, nihin zing sml. 7:00 am hrawngah Depeyin peng, Aungsiime khua leiah hriamngam voi 50 nak tlawmlo SAC ralhrang nih tuzing sml. 9:15 ah Helicopter hman riangmang in an kah hna hi a si tiah mah khuami ruanvo ngei nih Voice Of Depeyin ah a chim.

SAC ralhrang nih hriamngam an hman caah khuachung thilri hna cu voi 6 an khen cang tiah theih a si. Mah thil a cang caah mipi vengtu (PDF) hna zong timhlamh ngei an ngei ve tiah kan theih. Ref; Khit Thit Media

Nawlngeihnak latu ralhrang bu hotu hna nih tanglei ralhrang hna i kum tlinglo an fanu le fapa hna cu raldoh cawnter in rizap (reserve) ah chiah dingin timhtuahnak an ngei tiah ralhrang chungkhar cheukhat nih an chim.

Ralhrang bu hotu hna nih cun nawlngeihnak an lak hnu tlawmpal, April thla khan ralhrang fale kum 15 in a cunglei meithal a tlai kho cangmi hna cu raldoh an cawnter hna tiah an nu le pa hna sin in theih a si.

CDM ralbawi pakhat nih cun “Kum tlinglo ngakchia an i tel len. A kum zoh in ral a do kho cangmi timi hna cu raldoh cawn lo a ngah lo an ti i raldoh cawnnak an tuah. Cu chungah ka u fapa zong aa tel ve” tiah a chim.

Atu bantukin kum tlinglo ralhrang fale hna raldoh an counter hna nak cu mino tampi hriamtlaih in dohthlennak ah an luh bantukin ralhrang fale mino hna zong dohnak ah i tel ve hna seh ti an duh caah a si tiah theih a si.

Raldoh an cawnter mi ngakchia pakhat i hringtu a nu nih “Ngakchia a ummi dihlak, tang 8 in a cunglei paoh cu raldoh an cawng ko. Raldoh a cawntertu hna nih cun mithah nan thiam ahcun a za ko an ti hna” tiah a chim.

Ralkap in aa din cangmi fanu pakhat zong nih “A hlan ah ralkap fale hna raldoh cawnter hi a um pah ko nain atu bantukin mithah nan thiam ahcun a za ko tiin tinhmi ngei tein cawnter a um bal lo. High School kan kai lio sianginn khar caan ah voikhat cu ka rak cawng bal ve.

Asinain ralkap fale kan si bantukin cawlcanghnak pakhat phun in kan rak cawn mi a si. Hnek le fialchih a um lo, zalong tein kan cawng, kanmah duh tein! Atu cu a duh lo mi zong an hnekchih hna” tiah a chim ve.

Ralkap in aa din cangmi hna zong nihlawh pek in hriamtlai ṭhan dingin an auh hna tiah theih a si fawn. Cu pin ah ralhrang nupile zong an umnak sakhan kelvin dingin hriam an tlaihter hna. Atu bantukin kum tlinglo ngakchia raldoh cawnter, ralkap in aa din cangmi hna hriamtlaihter ṭhan le an nupile hriamtlaihter hna hi an duh lo bu in cunglei bawi hna nawlpeknak ruangah an hnek mi hna a si tiah theih a si.

Kum tlinglo ngakchia ralkap ṭuan/luhter, asiloah hriamtlaihter hi UN tang i ngakchia covo upadi le ngakchia hna covo kongah ramkip hnatlaknak nih a onh lomi a si. President Thein Sein chan, 2012 ah ralhrang bu nih kum tlinglo ngakchia ralkap luther ti lo dingin hnatlaknak min an rak thut cang. Crd; The Chin Post

Be First to Comment

Leave a Reply

Your email address will not be published.