Press "Enter" to skip to content

Breaking News : Dr.Van Van nih Nungak Pakhat Beer A Dinter i A Tlaihhrem , Mi Choklet Nih An Chanhmanh A Van Tha Taktak

Atulio mizoram ah ramri buainak kong a silo mi buainak dang mipi a lauter dihtu buainak pakhat a chuak than i Doctor Vanlalmawia nih nungak pakhat tlaihhrem a timh i a tlaihhrem khawhlo ruang ah an pahnih in lungpang ah zuanpi a timh i vanthat ah phone hri zam mi nih a kham hna i an nunnak a him .

Asinain cuhnu zong ah cun Doctor Vanlalmawia nih cun nungak nu cu tlahhrem a timh than thiamthiam i lampi khualtlawng mi nih nungak nu cu an chanhmanh tiah theih a si .Community Health Centre i Medical Officer tuanlio mi Doctor JH.Vanlalmawia (kum 29) nih cun Sakawrdai nungak Darlawn i riantuan liomi cu Sakawrdai ah ka kal lai ka motor ah rak cuang ve ko tiah a sawm i a chungkhar zong nih zumh a tlak ko lai tiah doctor pa sin ah cun an fanu cu an kalter ve .

A hramthok ah cun minung 3 an si nain pakhat cu lampi an khua ah a tum tak hna.An mah pahnih lawng an si hnu ah cun Doctor Vanlalmawia nih cun nungak nu cu thaihang le wine phunkhat a pek i ding ve tiah a fial . Nungak nu nih cun hi bantuk hi cu ka ding bal lo a ti i a duhlo caah a mah nih a din dih .Doctor pa cu a din mi a rit deuh hnu ah cun a raltha i nungak nu a phurh mi cu hnamh a timh i nungak nu nih cun a duh lo.

Asinain doctor pa nih cun hramhram lo in tlaihhrem a timh lawlaw cang .Nungak nu nih cun zangfahnak tein rak ka tongtham hlah na motor kutka ong law ke in ka kal ko lai tiah a ti nain doctor pa nih cun a duhlo i na duhlo ah cun tiah thahding phun in a hrocer lawlaw ve .Culio ah cun nungak nu cu a thinlung tein thlaa rak cam chih ve . Doctor pa nih cun kan tlahhrem khawh lo cun kan pahnih in lungpang cung ah kan zuang lai tiah a hro chih ve .

Cu tlawmpal ah cun motor cu a zurit lungin a mongh taktak i lungpang cung in zuang ding cun a tli i lungpang ah an zuan lai te ah phone Jio hri an zam mi an pah i an tang.Nungak nu cu a thinphan he a tih he a lautuk i a cawl zong a cawl kho huaha tilo cubu zong cun doctor pa nih cun tlaihhrem a timh than thiam thiam .

Cutik ah cun nungak nu cu a aw ngeih dihlak in a au i khualtlawngmi midang nih lungpang kam i motor a taang mi le nungak authawng an theih cun an va fuh hna.Zanmui a si cang caah motor choklet a tlawnngai lio a si , nungak nu nih cun thil sining vialte cu a chimh dih hna hnu ah an chanh i doctor Vanlalmawia cu palik sin ah an hruia colh ve .

Doctor Vanlalmawia nih cun sih-ni hmangin court ah aa-mah-khan in chuahnak a hal nain tuni October 30 ah court nih a rak cohlang ve lo.Doctor Vanlalmawia case cu court nih phung ning tein ceihpiak ding le a phu tawk hremnak pek dingin timhtuah cuahmah lio a si.Source : Aizawl Post

Be First to Comment

Leave a Reply

Your email address will not be published. Required fields are marked *