Press "Enter" to skip to content

Breaking News : Hakha ah Ralkap Thawngpetu Pa an Tlaih

Hakha ah Ralkap Thawngpetu Pa an Tlaih
——
Hakha khua i CDM a tuahmi hruaitu hna le tualchung reporter pawl an cawlcanghnak pawl hman a thlak hna i cunglei ralbawi pawl sin ah thawngpang a petu pa (ဒလံ) mino nih an tlaih i, ralrinnak an pek hnu ah an thlah tthan.
Hi pa hi February 11 lio i Chin ramkulh cozah zung hmaika ah palik nih mino pawl duhlo langhternak tuah lo ding in an rak thloh hna lio ah mino hruaitu pawl hman a thla lentu kha a si. The Chin Journal

thawngpang dang relchap >>>>>>

Ralkap pawl:An cawl kho tilo i cei hna seh’An lampit cuamah cang hi.

Ralkap pawl an cawl kho ti lo,KIA nih ralkap pawl an phomh hna ning hi tih a nung tuk, minung fa celh ding si lo Atu lio KIA mi kah le mi doh cu mi zeihmanh nih celh ding si lo. Cu hlan ah cun kawl ralkap nih timh ciammam tein KIA an kah hna hnu ah KIA nih an leh tawn hna.

Sinain tutan cu KIA nih an kah hmasat peng hna. Cun KIA an mi kah ning hi zeitluk in dah tih a nun ti cun Ralkap pawl an i ready lo lio te dai te an ih ko lio Deilei suimilam 2-3 hrawngah an kah peng hna. Ralkap nih an i bochan bikmi cunglei bomb thlaknak an vanlong zong an hmang kho ti lo. Zan a si caah hman awk zong a tha lo. KIA nih kawl ralkap pawl cu dawh taktak in hi zawn ah an hlen khawh hna. Chun ah sisehlaw vanlong an hman hnga i KIA an phomh ve len hnga.

Ralkap pawl an cawl kho lo ti lo mipi an kahmi hna nak fah deuh lengmang in KIA nih an thah cang hna.Nihin zing delei 2:00 zong ah KIA nih kawl ralkap sakhan 3 an lak than. A minung in 20 an thah hna. An hriamnam tampi an chuh rih hna.

Nihin zing deilei an kahmi hna cu Phakanh peng Sing-lung hmaw um ralkap sakhan pakhat le Sain- Taung tlang cung ummi ralkap sakhan an si.A minung in a tlawmbik 20 cu an thi lai. Mah a thimi hna lakah ralkap kuttang ummi palik zong an i tel tiah KIA lei nih an chim.

Be First to Comment

Leave a Reply

Your email address will not be published. Required fields are marked *